All Chapters of My Hot Ninong Daks (SPG): Chapter 1 - Chapter 7

MARIPOSATATLONG ARAW ang lumipas mula nang unang dumalaw sa bahay namin si Ninong Daxton. Hindi ko na siya masyadong inisip pagkatapos ng araw na iyon. Dahil mas marami akong kailangang asikasuhin sa bahay at sa pag-aaral. Bukod sa mga gawaing bahay, kailangan ko ring tapusin ang mga assignment ko bago ako matuloh. Ayokong pumasok na hindi handa. Wala rin naman akong ibang mapagkakaabalahan. Kapag hindi ako nag-aaral, tumutulong ako kay Mama o kaya naman ay naghahanap ng paraan para makatulong sa mga kapatid ko. Kahit paano, gusto kong maibsan ang mga problema niya. Dahil alam kong hindi na rin niya alam kung saan kukuha ng pera para sa pang-araw-araw naming pangangailangan.Noong gabing iyon, nakaupo ako sa isang sulok ng sala habang nakapatong sa maliit na mesa ang mga notebook at libro ko. Tahimik akong nagsusulat habang pinipilit intindihin ang assignment na matagal ko nang ginagawa nang marinig ko ang malakas na boses ni Papa mula sa labas. May kausap siya at hindi ko na kailang

MARIPOSA Pagkauwi ko galing sa school, agad kong narinig ang malakas na boses ni Papa kahit hindi ko pa naibababa nang maayos ang bag ko sa balikat. Halos nanginginig ang mga bintana sa lakas ng sigaw niya at alam ko na agad na panibagong problema na naman ang kinakaharap namin. Pagod ako mula sa klase dahil sunod-sunod ang activities namin buong araw. Pero nang marinig ko ang boses niya ay tuluyan na akong napahinto sa may pintuan. At napatingin sa kusina kung saan naroon sina Mama at Papa.“Wala na naman bang ulam?” galit na tanong ni Papa habang nakatayo sa harap ng mesa.“Rodel, sinabi ko naman sa iyo na wala kang iniwang pera sa akin. Ano ang ipangbibili ko ng pagkain? Pinambili ko na ng gamot ng mga bata iyong natitirang pera natin kahapon,” mahinahong sagot ni Mama.“Palagi na lang ganiyan ang dahilan mo! Wala ka bang ibang alam gawin kundi humingi ng pera sa akin?”Napapikit ako sandali. Iyon na naman. Pareho na naman ang eksenang paulit-ulit kong nakikita sa bahay. Kapag wal

MARIPOSAMabilis kaming umalis sa parking area. Habang nagmamaneho siya, nakatingin lang ako sa mga ilaw sa labas ng bintana. Pagod na pagod ako pagkatapos ng unang araw ko sa trabaho, pero mas mabigat pa rin sa akin ang nangyari sa bahay.Makalipas ang ilang minuto, nagsalita si Ninong Daxton.“Kanina pa kita napapansing tahimik. Gusto kong malaman kung may nangyari ba pagkatapos mong pumasok sa trabaho, lalo na at nakita kitang umiiyak kanina sa labas,” mahinahon niyang tanong.Napabuntong-hininga ako bago sumagot. “Dahil po kay Papa. Pagkauwi ko galing school kanina, nagalit na naman siya dahil walang ulam. Wala siyang iniwang pera kay Mama, kaya wala siyang pambili ng pagkain, pero siya pa ang nagalit nang malaman niyang wala kaming maihahanda.”“Ganoon na naman ang nangyari? Akala ko pagkatapos mong makakuha ng trabaho ay kahit paano ay mababawasan ang problema ninyo sa bahay,” sabi niya.“Hindi po ganoon kadali. Kahit may trabaho na ako, hindi naman agad maaayos ang problema nam