Drama Blind Date Web Novels & Stories

Si Isabella Sanchez ay isang masipag at madiskarteng babae na naniniwalang siya mismo ang humuhubog sa sarili niyang kapalaran. Namumuhay siya nang buong puso at laging sinisigurong may ngiti sa labi ng mga taong nakapaligid sa kanya. Nang pilitin siya ng kanyang lola na makipag-blind date, wala siyang nagawa kundi ang sumunod. Hindi kailanman naging prayoridad ni Isabelle ang pag-ibig o ang mga lalaki. May bahagi ng kanyang nakaraan na pilit niyang kinakalimutan. Ngunit habang patuloy siyang tumatakbo palayo rito, lalo naman siyang hinahabol ng mga alaalang nais niyang ibaon sa limot. Si Arc Fritz Chivalry naman ay isang matagumpay na bilyonaryo. Mula nang siya ang humawak sa kanilang negosyo, lalo itong umunlad. Nasa kanya na ang lahat—gwapo, matalino, mayaman, at hinahangaan ng maraming babae. Ano pa nga ba ang kulang sa kanya? Pag-ibig. Siya ay naghahanap ng taong mamahalin. Samantalang si Isabelle ay gusto lamang… Mabuhay nang malaya. Ano kaya ang mangyayari kapag hindi inaasahang nagtagpo ang kanilang mga landas?

ONE NIGHT WITH THE CEO Author: Author Bhelle Isang gabi. Isang maling kuwarto. Isang pagkakamaling magbabago sa kanilang mga buhay magpakailanman. Si Serena ay isang mahirap ngunit matalinong dalaga na matagal nang nagtitiis sa pang-aapi ng kaniyang tatlong mayayamang kaibigan. Para sa kaniya, mas mabuting magtiis kaysa mawalan ng mga taong itinuturing niyang kaibigan. Ngunit sa isang marangyang masked ball, ang mga taong pinagkakatiwalaan niya ang siyang magtataksil sa kaniya. Nilasing siya ng mga ito at iniwan sa isang pribadong kuwarto upang ipain sa isang lalaki. Wala siyang ideya na sa gabing iyon, isang estranghero ang maling papasok sa kuwartong kinaroroonan niya. Si Ethan Storm—isang makapangyarihan, mayaman, at kinatatakutang CEO—ay nabiktima rin ng isang mapanganib na pakana. May babaeng desperadong makuha siya at palihim na naglagay ng pampasigla sa kaniyang inumin upang pilitin siyang panagutan ang mangyayari sa kanilang dalawa. Ngunit nagkamali si Ethan ng kuwartong pinasukan. At ang babaeng nadatnan niya ay si Serena. Kinabukasan, nagising si Serena sa tabi ng lalaking hindi niya kilala. Takot at litong-lito, tumakas siya nang walang iniwang pangalan o paliwanag. Akala niya, doon na magtatapos ang lahat. Ngunit hindi sanay si Ethan Storm na mawalan ng sagot. Sinimulan niyang hanapin ang babaeng misteryosong naglaho, hindi alam na ang paghahanap na iyon ang magdadala sa kaniya sa isang katotohanang hindi niya inaasahan. Paano kung muling magtagpo ang kanilang mga landas? At paano kung ang gabing gusto ni Serena kalimutan ay maging simula ng isang relasyong hindi niya matatakasan? Dahil minsan, ang isang gabing pagkakamali ay sapat upang pag-ugnayin ang dalawang pusong hindi dapat nagtagpo.

Warning: Mature Content!! Akala ni Elena ay nasa tamang lalaki na ang lahat ng pangarap niya. Limang taon niyang minahal ang boyfriend niyang si Dylan, hanggang sa mabuntis siya. Ngunit sa araw na inaasahan niyang maririnig ang salitang "pananagutan kita," tinalikuran siya nito at piniling sundan ang marangyang buhay na iniaalok ng iba. Nasaktan at walang ibang malapitan, nagpasya si Elena na tumakas habang dinadala ang anak sa kanyang sinapupunan. Nangakong bubuo siya ng panibagong buhay—malayo sa lalaking sumira sa kanyang puso. Ngunit hindi niya inaasahang muling magtatagpo ang kanilang landas... sa pamamagitan ng isang lalaking mas mapanganib kaysa sa dati niyang minahal. Si Adrian, ang malamig, makapangyarihan, at ubod ng guwapong tiyuhin ni Dylan, ay isang bilyonaryong walang balak umibig. Ngunit nang makilala niya si Elena at ang inosenteng batang itinuturing niyang sariling anak, unti-unting nabasag ang pader sa kanyang puso. Paano kung ang babaeng itinakwil ng sariling pamangkin ang siyang babaeng pinakamamahalin niya? At paano kung bumalik si Dylan para bawiin ang babaeng iniwan niya noon... pati ang anak na hindi niya kailanman kinilala? Sa pagitan ng nakaraan at kasalukuyan, sino ang pipiliin ni Elena—ang lalaking unang sumugat sa kanyang puso, o ang tiyuhing handang suungin ang lahat para sa kanya?