Sweet Love Web Novels & CEO Flash Marriage Stories

Paano kung ang kaligtasan ng iyong pamilya ay nakasalalay sa isang kasunduang hindi mo kailanman ginusto? Si Luna Evangeline DeLacroix, ay isang simpleng babae na baon sa utang at desperadong maghanap ng paraan upang mailigtas ang kanyang pamilya na nabaon sa utang. Isa siyang magaling na mananayaw ngunit hindi siya sikat, iilan lamang ang nakaka kilala sa kanya bilang isang magaling na mananayaw. Sa gitna ng kanyang kawalan ng pag-asa, dumating ang isang alok mula sa isang lalaking hindi niya inaasahang magiging bahagi ng kanyang buhay—isang bilyonaryong aktor at mang-aawit na laging nasa ilalim ng Isang kontrata. Isang pangalan sa kanyang tabi. Isang buhay sa harap ng mga camera. Ngunit paano kung ang mundong pinasok niya para sa pera ay maging kulungan ng kanyang puso? Paano kung ang pekeng pagmamahal na itinanghal sa harap ng publiko ay maging totoo sa likod ng mga ilaw? At paano kung ang spotlight na minsang kinatakutan niya ang siya ring maging dahilan ng pinakamalaking sakit sa kanyang buhay? Sa isang mundong puno ng kasikatan, tsismis, at kapangyarihan ng pera— hanggang saan niya kayang isakripisyo ang sarili para sa mga taong mahal niya? At kapag dumating ang panahong kailangan niyang pumili…..... pera ba o pagmamahal? kalayaan ba o ang lalaking nasa ilalim ng spotlight? She was tempted not by love… but by the price he offered for her freedom.

Sa malamig na lungsod ng New York, nagsimula ang kakaibang kwento ng isang simpleng Filipina na si **Azia Montenayor** at ng isang mayamang CEO na si Edward Falcon. Isang aksidenteng banggaan sa loob ng kumpanya ang naging daan upang alukin ni Edward si Azia ng isang hindi pangkaraniwang kasunduan—isang one-year contract marriage kapalit ng malaking halaga ng pera. Para kay Azia na may pamilyang tinutulungan sa Pilipinas, tila praktikal itong desisyon. Ngunit hindi niya inaasahan na mas magiging komplikado ang lahat nang malaman niyang siya ay buntis. Unti-unting nabunyag na bago pa man ang kasal, may koneksyon na pala sila sa isang gabing may maskara—isang charity event kung saan nagtagpo ang kanilang mga landas sa ilalim ng emosyon at kahinaan. Mula sa isang lihim na alaala at hindi planadong pagbubuntis, nagsimulang mabuo ang isang relasyong higit pa sa kontrata. Habang hinaharap nila ang selos mula sa dating kasintahan ni Edward at ang mga pagsubok na dala ng kapangyarihan at impluwensya, mas tumitibay ang kanilang samahan. Sa bawat problema—mula sa aksidenteng pinaghihinalaang sabotahe hanggang sa panghihimasok ng nakaraan—pinatunayan nilang ang tunay na pag-ibig ay hindi nasusukat ng pera o pirma sa papel. Sa huli, ang flash marriage na nagsimula bilang isang kasunduan ay nauwi sa isang totoong pamilya. Sa pagitan ng tawanan, selos, panganib, at lambingan, natuklasan nina Azia at Edward na ang pagmamahal ay maaaring magsimula sa maling oras at maling paraan—ngunit kung ito ay totoo, ito ang magiging pinakamatibay na pundasyon ng kanilang bagong buhay bilang pamilya Falcon.

Dahil sa matalik na pagkakaibigan ng mga magulang ni Jessica at Jericho, bata pa lang ay naka-ukit na ang kanilang tadhanang ipakasal sa pagsapit ng tamang panahon. Pero hindi umayon sa plano ang lahat dahil natuklasan ni Jerichong lalake rin ang gusto nito kaya ginawa nya ang lahat para lamang hindi matuloy ang nalalapit nilang kasal ng childhood friend nitong si Jessica na ilang taon na nyang hindi nakikita. Pero kahit na anong gawin nila ay natuloy pa rin ang kasal. Dahil kapwa nila ayaw ang ikasal sa isa't isa ay naging aso't pusa ang kanilang pagsasama sa iisang bahay. Hindi magkasundo sa kahit na maliit na bagay at palaging nagbabangayan. Mauuwi ba sa pag-iibigan ang kasalanang hindi nila gusto? At mababago ba ng pagmamahal ang pusong mamon ng binata? Sundan ang magulo, maingay at nakakaaliw na buhay mag-asawa ng baklang CEO at ng babaeng matagal ng pangarap na maikasal.

Bago mawala ang ate ni Shaira, iniwan nito ang isang huling kahilingan na nagpabago sa buhay niya, ang pakasalan ang lalaking dapat sana'y magiging asawa ng ate niya, si Sebastian Falcon. Isang guwapo, mayaman, at makapangyarihang bilyonaryo. Labag man sa kanyang kalooban, pumayag si Shaira sa isang kasunduang kasal na tatagal lamang ng limang buwan. Kapag hindi sila nahulog sa isa't isa sa loob ng panahong iyon, malaya silang maghiwalay. Ngunit habang unti-unti nilang nakikilala ang isa't isa, ay may lihim na mabubunyag. At paano kung sa oras na handa na silang piliin ang isa't isa... saka naman sila paghiwalayin ng nakaraan?

Matagal nang engaged si Maria Cassandra Tolentino sa kanyang fiancé na si Leon Hernandez, ngunit kahit ganoon ay wala pa rin silang napag-uusapan na plano para sa kasal. Nang hindi makatiis si Cassandra, sinugod niya ang fiancé sa opisina nito. Laking gulat niya nang makita niya itong kahalikan ang kaibigan nitong babae na pinagseselosan niya sa buong relasyon nila. Ang akala niyang tapat at tunay na pag-ibig nilang dalawa ay isang malaking kasinungalingan lang pala. Ginamit lang siya ni Leon para makuha ang approval ng magulang nito sa lahat sapagkat galing sa mayamang pamilya si Cassandra. Ginamit niya lang si Cassandra para makuha ang lahat ng gusto nito. Umiiyak at nasaktan si Cassandra. Gusto niyang maghiganti ngunit hindi niya alam ang gagawin. Niloko na siya at pinahiya. Nagawa pa rin ni Leon na paniwalain ang mga magulang ni Cassandra na ang dalaga ang nagloko sa kanilang dalawa. Dahil doon ay naglayas siya at nagpunta sa isang kilalang isla kung saan napupunta ang karamihan upang magsaya at makalimot. Doon niya nakilala si Theodore Gio Hernandez. Gwapo, matangkad, at mayaman ito, ngunit matanda ito ng sampung taon sa kanya, ngunit wala siyang pakialam. Gusto niyang makalimot, kaya nakipagtalik siya rito. Nang may mangyari sa kanila ay saka niya nalaman na tiyuhin ito ni Leon. Dahil doon, nakaisip siya ng paraan kung paano makakapaghiganti kay Leon nang hindi nagmamalupit. Inaya niya sa isang kasal si Theo para ipamukha kay Leon na hindi ito kawalan. Pumayag si Theo sa kadahilanang kailangan niya rin ng asawa para makuha ang mana na mapupunta sana kay Leon kung mauunahan siya nito sa pagpapakasal. Magiging mag-asawa lamang sila sa papel at magkakasundo pagdating sa kama sa tuwing gusto nila, ngunit maaari kayang buksan muli ni Cassandra ang puso sa pamilya ng taong sumira sa buhay at tiwala niya?

May tatlong oras na lang bago siya ikasal, at si Mara Villanueva ay tumakbo — hindi papalayo sa altar, kundi diretso sa gitna ng Terminal 3, kung saan wala siyang plano kundi ang isang bagay: huwag muna umuwi. Doon niya nakita siya. Isang lalaki, mag-isang nakaupo, ang porma ay parang taga-magazine pero ang mukha ay parang taong kagagaling lang sa gera. Naliligaw. Hindi geographically. Kundi sa mismong pagkatao niya. At sa isang desisyon na hanggang ngayon ay hindi pa rin lubos na naiintindihan ni Mara, hinawakan niya ang braso ng estranghero at nagtanong: "May girlfriend ka ba?" "Hindi ko alam," sagot niya, at seryoso siya. "Perfect," sabi ni Mara. "Pakasalan mo ako." Wala siyang alam na ang lalaking iyon, na kanya na lang tinawag na Adrian, dahil wala siyang naaalalang ibang pangalan — ay hindi lang basta't-basta na taong nawalan ng memorya. Siya ang nawawalang CEO ng isa sa pinakamalaking business empire sa Asya. Habang unti-unti niyang nakukuha ang mga piraso ng nakaraan niya — bahagya, kislap-kislap, tulad ng liwanag ng kandila sa dilim ng kwarto — isang tanong ang unti-unting kumakalat sa dibdib ni Mara, mas malakas kaysa sa lahat ng iba pa: Mahal ba niya ang tunay na si Adrian Wei — o ang lalaking binuo lang niya, sa sarili niyang imahinasyon, noong sandaling desperado siya sa isang paliparan? Sapagkat malapit nang dumating ang mundong iniwan ni Adrian. Ang mga itim na SUV. Ang mga taong tumitigil sa harap ng pinto nang naka-suot. Ang mga sekretong may kapangyarihang wasakin ang bawat bagay na kanilang itinayo. Kaya bang manatili ang pag-ibig na sinimulan sa isang kasinungalingan — o matutunaw ito, tulad ng lahat ng bagay na binuo sa buhangin? Minsan, ang pinakamalaking kasinungalingan ang siyang naglalantad ng pinakamalalim na katotohanan.

Tahimik at maayos ang pamumuhay ni Viva Guardian at ng asawa niyang si Emmanuel. Pero nagising na lamang si Viva isang gabi na may hawak na kustilyo, puno iyon ng dugo. At wala nang buhay si Emmanuel. Si Viva ang itinuturo ng suspect sa pagkamatay ni Emmanuel. Nakulong siya sa kasalanan na hindi naman niya ginawa. Nang magkaroon ng sunog sa Manila City Jail ay kinuha ni Viva ang pagkakataon na iyon para tumakas. Pero ang kalahati ng kanyang mukha ay nasunog. Ginamit niya ang mukha ng dating asawa ni Hendrix Lorenzo, ang witness, sa pagkamatay ni Emmanuel. At gagamitin rin ni Viva si Hendrix para alamin kung ano ang nangyari sa asawa niya at lilinisin ang pangalan niya.

Isang maling tawag ang nagpabago sa kapalaran ni Mayshel, isang inang desperadong mailigtas ang kaniyang 18-anyos na anak na may cancer. Akala niya'y ang tatawagan niya ay isang organ buyer para maibenta ang sariling organ, ngunit ang sumagot ay ang CEO doctor ng mismong ospital kung saan naka-confine ang kaniyang anak. Isang maling numero. Isang lihim na mabubunyag. At isang pag-ibig na susubukin ng buhay at kamatayan. Minsan, ang pinakamalaking himala ay nagsisimula sa isang wrong number.