Novel & Cerita Web Teenager Second Chance

Si Athena Buenaventura ay nasaktan nang matuklasan niyang maaaring hindi naging totoo ang pagmamahal sa kaniya ni Akhiro Fuentes. Ang mas masakit, ang sarili niyang kakambal na si Alexa ang sangkot sa panlilinlang na sumira sa tiwala niya. Nang mabunyag ang katotohanan sa likod ng mga cookies at sticky note, sumabog ang matagal nang kinikimkim na galit, selos, at sakit. Sa gitna ng kanilang paghaharap, muntik nang mahulog si Athena sa hagdan—isang sandaling nagpaunawa kay Akhiro kung gaano siya kalapit na tuluyang mawala sa buhay nito. Nailigtas man niya si Athena, hindi ito nangangahulugang maililigtas din niya ang pag-ibig na siya mismo ang sumira. Ngayon, kailangan ni Akhiro na patunayan na higit pa sa mga salita ang kaniyang pagsisisi at na tunay ang pagmamahal niya kay Athena. Ngunit matapos ang lahat ng kasinungalingan, kaya pa bang magtiwala si Athena sa lalaking minsang dumurog sa kaniyang puso? Darating ang araw na matututuhan ni Akhiro ang pinakamapait na aral—na may mga pag-ibig na dumarating lamang kapag huli na ang lahat?

Hindi alam ni Lyra Villanueva kung ano ang dapat niyang maramdaman nang mabalitaan niyang namatay ang kaklase niyang si Caelan Vasquez. She barely knew him. Hindi sila close. Hindi sila magkaibigan. Pero hindi pa rin niya mapigilang isipin na maybe, somehow, may nagawa sana siya para tulungan ito. Then, on the night of Caelan’s funeral, Lyra meets Death himself. At imbes na kunin siya, binigyan siya nito ng impossible offer: bumalik sa nakaraan at pigilan si Caelan bago niya tapusin ang sarili niyang buhay. May oras lang siya hanggang sa araw na nakatakdang mamatay si Caelan. And if Lyra fails? She doesn’t know if she’s ready to face what comes next.

Kung mabibigyan ka ng pagkakataong balikan ang nakaraan, pipiliin mo bang baguhin ang iyong kapalaran? O hahayaan mong maulit ang lahat, kahit alam mo na kung gaano kasakit ang magiging wakas? Sa edad na tatlumpu't isa, natutuhan na ni Marian Acenzado na hindi lahat ng pagmamahal ay nasusuklian, hindi lahat ng pagkakaibigan ay nananatili, at hindi lahat ng pangarap ay nagkakatotoo. Akala niya, matagal na niyang naiwan ang mga alaala ng kanyang kabataan—ang unang pag-ibig na hindi niya kailanman naipagtapat, ang pagkakaibigang nauwi sa sama ng loob, at ang mga desisyong hanggang ngayon ay pinagsisisihan niya. Ngunit isang hindi inaasahang pangyayari ang magbabalik sa kanya sa taong 2011. Muli siyang nagising bilang isang labing-anim na taong gulang na mag-aaral sa hayskul. Naroon ang mga dati niyang kaibigan, ang lalaking una niyang minahal, at ang mga pangyayaring minsan nang nagpabago sa takbo ng kanyang buhay. Sa pagkakataong ito, dala niya ang labinlimang taong alaala ng isang hinaharap na hindi pa nararanasan ng mga taong nakapaligid sa kanya. Desidido siyang huwag nang ulitin ang mga pagkakamali ng nakaraan. Ngunit paano kung sa pagbabalik niya ay may isang taong biglang naging bahagi ng kanyang mundo—isang lalaking tiyak niyang hindi naman naroon noon? Habang unti-unting nagbabago ang mga pangyayaring akala niya ay kabisado na niya, isang tanong ang patuloy na gumugulo sa kanyang isipan. Kung nabago ang nakaraan, ganoon din kaya ang kanyang hinaharap? At higit sa lahat... Bakit ngayon ka lang dumating, kung kailan alam ko nang hindi ka naman naroon noon?