The Ritual 2 Novels & Stories

Pinugaran na rin ng takot at pangamba ang aking dila kaya hindi magawang nakapagsalita. Ipinikit bigla ni Solana ang kanyang mga mata. Kanyang itinaas bahagya ang kanyang mga kamay habang nakatingala sa kalangitan ang mga palad nito. Matapos ay nagsimula siyang magsalita ng mga salitang hindi ko maintindihan. Bumibigkas na siya ng isang orasyon para sa ritwal na gagawin niya. Mahina ngunit mabilis ang pagbigkas niya sa mga salitang pang-orasyon at taimtim na dinadama ang bawat titik na isinasampi at ang buong paligid.

Napatingin ako sa papel na hawak niya, tumingin akong muli sa kaniya at kinuha ito. "Vazk–ano raw?" Kumunot pa ang noo ko, dahil hindi ko ma-gets ang nakasulat dito. Tumingin ako kay Keir na nakatayo pa rin sa harapan ko. "Isang klase ng ritwal iyan na kung mabibigkas mo ng tama, hihiwalay ang kalukuwa mo sa katawan mo." Seryosong saad nito. Agad ko namang naitapon ang papel at napahawak sa magkabila kong pisngi.