To Each Its Own Meaning Novels & Stories

Naiwan akong tulala nang tumalikod siya at tuluyang lumabas sa pintuan. Hindi mo kailanman masasabi ang tunay na kahulugan ng pagmamahal. Iba-iba ang pwedeng atake nito sa isang tao. Hindi mo mabibigyang kahulugan ang isang bagay kung hindi ito pamilyar sa 'yo. Ano nga ba ang eksaktong depenisyon nito? Walang makapagsasabi. Bawat tao ay may sariling pakahulugan upang maipaliwanag ang misteryosong salita.

“Mga simpleng bagay lang iyan ngunit may espesyal na kahulugan.” Mabilis siyang umiling. “Opo, iingatan ko po ang mga ito.” Ang totoo, ang ikinagulat niya ay hindi ang dami ng regalo kundi ang pag-iisip na nakapaloob sa bawat isa. Hindi man mamahalin, ngunit may katangian ng bawat lugar. Para iyong mga pasalubong sa kaibigan matapos maglakbay sa malayo.

Kung pwede nga lang ay itago niya ang sarili. ‘Ayan ka naman Tracy, masyado mong dinidibdib ang hindi pagpansin ni Fien sa’yo noong isang araw.’ Saway ng isang bahagi ng utak niya. ‘Wala naman ‘kayo’ ah at lalong hindi naging ‘kayo’ para umasta ka ng ganyan. Kung kinalimutan ka niya ay kalimutan mo na siya.’