TOUCH MY HEART

PROLOGUE

“I beg your pardon?” aniyang ‘di makapaniwala sa kaniyang narinig. Hininto nito ang kaniyang pag-inom saka tumingin sa kaharap na kaibigan.

“Nakakagulat ba ‘yong sinabi ko?” sagot ni Maica rito sabay subo ng pagkain.

Agad na uminom si Ghie Anne ng pineapple drinks, pakiramdam n’ya kasi parang may kung ano ang bumara sa kan’yang lalamunan.

Pinalong bigla ni Maica ang ibabaw ng mesa na ikinagulat ni Ghie Anne, “Hoy, Ghie Anne! Ano bang nangyayari sa’yo?” aniya.

“Tell me Maica, totoo ba ang mga narinig ko sayo?” muling titig nito sa kaibigan.

“My gash naman friend, mukha ba akong nagsisinungaling?” ani nitong may pagka-arteng salita. “And beside, ano bang masamang balita ang narinig mo sa akin ha?”

“W-wala.” Sabay iwas niya ng tingin kay Maica.

“Wala? C’mon, you’re acting so weird. Narinig mo lang sa akin ang balitang iyon parang may something d’yan sa pagkatao mo ang nabuhay,” sabay taas nito ng isang kilay at titigan siya na animo’y nag-aantay ng kaniyang sagot.

Bigla ang pagtayo ni Ghie Anne. Umiwas siya sa kaniyang kaibigan na sagutin ito. Dahil sa totoo lang ang balitang iyon ay biglang nagpagulo sa kaniyang utak.

“Oh, anong?” gulat si Maica sa naging pagtayo niyang bigla.

“Let’s go, ma le-late na tayo.” Kinuha niya ang kaniyang shoulder bag at isinukbit sa kaniyang balikat.

“Wow ha, biglang ganun? Eh, ang aga-aga pa.” reklamo nito sa kaibigang si Ghie Anne na inaantay siya sa pagtayo.

“Fifteen minutes na lang, magre-retouch pa tayo. Now, if ayaw mo pang kumilos eh ‘di d’yan ka.” Sabay hakbang nito patalikod kay Maica.

“Taray mo teh! Oh, eto na nakatayo na nga ‘di ba? Ano bang sinabi ko?” mabilis nitong kilos upang habulin si Ghie Anne.

Ginugulo pa rin s’ya ng kan’yang isipan. Hindi siya makapaniwala sa kan’yang narinig mula sa bibig ng kan’yang kaibigan.

QL at Thai Ching magiging magkasosyo?

Na ang Que Lee Industry ay pag-aari ng mga Lee. At may bahagi ang Lee sa kaniyang nakaraan. Ang masakit na nakaraan na hanggang ngayon ay nasa kaniyang dibdib na sa tuwing naaalala niya ay nasasaktan siya.

At ngayon magiging magkasosyo pa ang dalawang kompanya. Na kahit ‘di niya gusto ay magku-krus ang landas nila at hindi niya maipapangako kung ano ang magiging reaksiyon niya kung sakaling magkita sila ng taong iyon.

Sana hindi na ito magpakita dahil tahimik na siya. Pero sad’yang maliit lang tal’ga ang mundo. Dahil kahit na malayo na kami sa isa’t isa ay pagtatagpuin pa pala sila nito.

Ibinaon na niya ng matagal ang pangyayaring iyon. Pero ngayon ay para itong muling bumalik.

‘Di bale, intern lang naman siya dito sa Thai Ching at tatlong buwan lang siya ay aalis na siya. At kung i-a-absorb siya ng company ay tatanggihan niya ito. Dahil mas nais niyang umuwi ng Palawan upang doon siya magtrabaho kapiling ng kaniyang pamilya.

Kung nagawa niyang iwasan ito dati ay bakit hindi niya magagawa ngayon kung sakaling mag krus ang kanilang landas. Kung talagang totoo ang balitang nasagap ni Maica kanina.