Book 2: Chapter 32

''SANA pala talaga bumili ka ng popcorn.''

''Kaya nga po,'' ganting-bulong ni Amira sa sinabi ng abuwela. "Mukhang box-office ito."

Parehong walang kurap na nakatingin ang dalawa sa pagkakatulos nina Jade at Miko nang magtagpo ang mga mata ng mga ito.

''May 'spark' pa nga talaga sila. At tama ka. Parang gusto na nilang yakapin ang isa't isa.''

Marahang tumango si Amira. ''Sino kaya sa kanilang dalawa ang gagawa ng unang hakbang para sa second chance?''

''Mukhang wala kaya unahan na natin.''

''Ho?''

''Aray, aray!'' daing ulit ni Lola Tasing.

Muli namang nataranta si Miko at saka lang din pumasok si Jade.

''Doc, mamamatay na ba ako?''

''Hindi pa po, Ma'am.''

Isinantabi muna nito ang pagdaing saka ngumiti kay Jade. ''Puwede bang LOLA na lamang ang itawag mo sa akin? Parang pormal na pormal kasi ang MA'AM. Baka ma-trigger ang diabetes ko.''

''Anong kinalaman ng diabetes mo roon?'' usisa ni Amira.

''Wala po kayong diabetes,'' wika ni Jade. ''Lahat po ng resulta ng lab tests niyo ay normal.