chapter 5

Pagkatapos ng ilang palitan ng putok at mga pagsabog ay sa wakas dumating ang back-up namin.

Iglap lang ay nakontrol din ng mga tauhan ni Kuya Onyx ang mga kalaban at tulad ng utos niya ay may isang itinirang buhay.

Pagdating namin sa Jewel's Tower kung saan ay isinasagawa ang mga illegal transactions ng mafia ay agad kaming dumiretso interrogation room.

Nadatnan namin doon ang naiwang buhay kanina na kalaban.

May tama ito ng baril pero hindi naman fatal, 'di niya iyon ikamamatay. Pero sa nakaabang na pagpapahirap sa kanya ay tiyak hihilingin niya na lang na mamatay.

Isang 5 star hotel ang Jewel's Tower pero sa likod niyon ay isa itong malaking imperyo ng sindikato.

Isa lang ito sa mga balwarte ng De Jesus Organization na nagkalat sa buong mundo.

"Si Papa?" agad na tanong ni Kuya sa nadatnang tauhan.

Agad na nagsuot ng rubber gloves si Kuya, hudyat iyon na sisimulan na niya ang pagtatanong sa nahuli namin.

"Parating na ang Master, Boss," sagot ng tauhan kay Kuya.

"Ok, madaliin na nati