Chapter Eight

Faith's POV

Nakaupo ako ngayon dito sa swivel chair ko. Nasa opisina na din ako sa wakas. Alas-tres y media na ng madaling araw. Ilang surgery ba ang natapos ko sa araw na ito? Dalawa o tatlo? Walang tao dito kundi ako lamang, wala dito sina Dr. Jacinto at Dra. Hernandez. Si Harold ay busy sa emergency room kasi night shift ito ngayon. Si Dra. Hernandez naman ay nakauwi na kanina pa. Wala din naman si Lalaine kasi bukas pa ng umaga ang duty niya.

Napahawak ako sa batok ko na namamanhid na sa sabrang pagod. Hinaplos-haplos ko iyon saka ako bumuntong-hininga. Nakakapagod pala pero satisfying at the same time. Yung taong inoperahan ko kahapon. Stable na ang lagay niya. Iyong dalawa namang na-operahan ko inoobserbahan pa namin sa ICU (Intensive Care Unit). 

Kaya naman heto ako at nakaupo lamang sa upuan ko. Gustong pumikit ng mga mata ko pero ayokong matulog. Kapag kasi pumipikit ako naaalala ko yung trauma ko noong tumuntong ak