Kabanata 12

Pakiramdam ko ay nalunok ko ang dila ko nang marinig ko ang sinabi ng mga magulang ni Rafael. Gusto nilang magkaroon kami ni Rafael ng anak? No way! Sa muli nilang pagbakasyon ay tiyak na hiwalay na kami ni Rafael that time.

"Mom, huwag mo naman biglaan si Feelin. Bago pa lamang kaming mag-asawa kaya natural lamang na ini-enjoy muna namin ang isa't isa. Pero darating din tayo sa bagay na iyan," ani Rafael matapos hawakan ang kamay ko at bahagyang pinisil para iparating sa akin na huwag na akong magsalita.

Hindi ko maintindihan ngunit tila nakaramdam ako ng isang mainit na bagay na tumulay mula sa kamay ni Rafael papunta sa kamay ko. Hindi ko tuloy napigilan ang mapatitig sa mukha niya. Iniisip ko kung naramdaman din kaya niya ang kakaibang pakiramdam na naramdaman ko? Saglit ko siyang in-obserbahan ngunit walang senyales na naramdaman din niya ang naramdaman ko kaya nagkibit na lamang ako ng balikat at nagpasyang huwag ng pansinin ang