BEGINS OF LOVE

CHAPTER 20: Feelings Confession...

__

Humihingal pa si Angela ng makarating sa storage room. Dahil dito magpapalista ang mga sasali sa kompitisyon. May maliit na opisina dito na nagsisilbing ring locker room ng mga kitchen staff. Nasa dulong bahagi ito ng ground floor na kanugnog din ng kitchen. Kapag dineretso ang pasilyo nito may connecting door palabas ng main entrance at parking area bilang daanan ng mga delivery.

Kagagaling lang kasi niya sa HR department para bawiin ang kanyang leave. Kung bakit kasi pinangunahan siya agad ng lalaking iyon, hindi na sana siya nagpabalik-balik. Hindi pa naman siya nakagamit ng elevator buti na lang nasa second floor lang ang HR.

Humugot muna siya ng hininga bago siya lakas loob na kumatok sa pinto. Pagkatapos pinihit na niya ito para tuluyang makapasok. Gaya ng nakapaskil na karatula sa pintuan nito. "Give a knock before open."

Pagpasok sa loob may gwardyang nakaupo malapit sa pinto. Ang nagsisilbing lookout sa mga taong papasok. Bukod pa sa Id