Chapter 25 part 1

Ang maaga sanang alis nila Berry at Jayden ay hindi nangyari. Mag aalas sais na ng umaga kanina ay hindi pa bumababa ang magkaibigan. Sigurado si Jayden na napuyat ang dalawa sa pagkukwentuhan kagabi kaya hinayaan niya na lang na matulog pa ang dalawa.

Nagising si Berry na mataas na ang sikat ng araw. Tulog pa rin si Marife, kaya ginising niya ang kaibigan. Napabalikwas pa nga ng bangon kanina si Berry ng makita sa table clock kung anong oras na. Mabilis na kumilos si Berry at si Marife ay lumipat agad patakbo sa kanyang silid ng sabihin ni Berry kung anong oras na.

Palabas na si Berry ng kwarto ng marinig niyang may kumatok sa pintuan.

Alam niyang hindi si Marife iyon dahil kung ang kaibigan niya ang nasa tapat ng pintuan ay didiretso na ng pasok sa silid niya.

Huminga na muna siya ng malalim bago niya binuksan ang pinto.

"Good morning Berry," bati ni Jayden.

"J-Jayden, sorry.., kung na late ako ng gising. Si Marife kase marami siyang ikinuwento sa akin kagabi kaya madaling araw na k