Chapter 90

Nagsimulang ipahanap ni Jayden si Berry sa probinsiya ng dalaga. Ginamit niya ang mga koneksyon niya na alam niyang makakatulong sa kanya sa madaling paghahanap kay Berry doon.

Nag request din si Jayden sa owner ng subdivison na makita ang record ng cctv kahapon simula ng oras na nakalabas ng gate si Berry. Nakita niyang sumakay ng taxi ang dalaga at kinuha niya ang plate number ng taxi.

Tinawagan niya si Julius dahil maraming kakilala si Julius sa Land Trans Office. Humingi siya ng tulong sa kaibigan na malaman kung sino ang may ari ng taxi at makuha ang address.

Dahil sa nagtataka si Julius sa kanya ay hindi siya tinigilan sa pag uusisa nito. Kaya pinapunta niya na lang sa bahay niya si Julius at nagpasundo. Habang nasa byahe sila papunta sa address ng may ari ng taxi na ibinigay ng kaibigan ni Julius ay nagkukwento naman si Jayden.

"Nakakabilib din ang Berry mo, malakas din ang loob kahit wala siyang mapupuntahan at kakilala sa labas ay lumayas pa rin sa poder mo. Yung ganoong klas