Chapter 03: Flash Marriage

Natigilan si Tanya. Rinig na rinig niya ang sarili niyang tibok ng puso sa sobrang bilis.

Nang ibaba ni Jared ang mukha nito para halikan siya, automatic na nanginig ang buong katawan niya. Sobrang intense.

Napansin ni Jared ang reaction niya kaya bigla itong natigilan. Bakas ang matinding pagpipigil sa madidilim nitong mga mata.

“What? Natatakot ka?”

Tulala pa rin si Tanya, hindi alam ang isasagot.

Biglang pinalo nang mahina ni Jared ang dulo ng ilong ni Tanya gamit ang hintuturo niya at mahinang natawa. “Pinagtitripan lang kita. Masyado kang seryoso.”

Kasunod nun, naramdaman ni Tanya na gumaan ang bigat sa katawan niya. Umalis na si Jared sa ibabaw niya at dumeretso sa banyo para maligo.

Habang pinapanood ang likod ng lalaki, doon lang nakahinga nang maluwag si Tanya. Agad niyang tinapik-tapik ang dibdib niya, pero aminin man niya o hindi, nagbabaga pa rin sa init ang mga pisngi niya.

Akala niya talaga kanina, may mangyayari na sa kanila.

Actually, hindi naman siya yung tipong sobrang konserbatibong babae. Pero hello? Biological brother ito ng ex niya! At saka, kilala si Jared sa pagiging super strict sa kaniya dati. Kahit hindi naman ganoon kalaki ang age gap nila, kung umasta ito, parang matandang ewan.

At higit sa lahat… may nangyari nang hindi maganda sa kanila ni Jared three years ago. Isang gabi na pilit niyang ibinabaon sa limot.

Umiling siya para alisin ang naisip. Pagkalabas ni Jared mula sa banyo, tanggap na ni Tanya ang katotohanan na magsasama na sila sa iisang bubong, kaya siya naman ang sumunod na naligo.

Inabot siya ng isang oras at kalahati sa paliligo, skincare routine, at pagpapahid ng lotion sa buong katawan.

Akala niya talaga, tulog na si Jared.

Kaya laking gulat niya nang pagkabukas na pagkabukas niya ng p***o ng banyo, sinalubong agad siya ng pamilyar at mapang-asar na boses nito: “Akala ko doon ka na titira sa loob.”

Grabe talaga ang bibig ng lalaking ’to, may lason pa rin gaya ng dati.

Pero sanay na si Tanya. Lumapit siya sa dulo ng kama at nakatayong nagtanong, “Saan ako matutulog?”

Bahagyang itinaas ni Jared ang kaniyang kilay. “Tanya, legal at valid naman ang pagkuha natin ng marriage certificate kanina, ’di ba?”

“Oo naman,” sagot ni Tanya, hindi agad nakuha ang point nito.

“So, nakakita ka na ba ng mag-asawang legal na magkasama, pero magkahiwalay ng kuwarto matulog?”

“Halika rito.” Tinapik ni Jared ang bakanteng espasyo sa tabi niya.

This time, cooperative na si Tanya. Lumapit siya at nahiga.

Pagkalapag na pagkalapag ng ulo niya sa unan, narinig na naman niya ang mapaglarong bulong ni Jared sa tabi niya, “Mrs. Montenegro, pinainit ko na ang kama para sa ’yo.”

Nilingon siya ni Tanya, at ang tingin niya rito ay parang tumitingin sa isang weirdong nilalang. Dahil hindi na niya matagalan ang ka-weirdohan nito, prangka na siyang nagtanong.

“Jared, alam ng lahat na ayaw mo sa akin at galit ka sa akin dati pa. Pero bakit bigla mo akong niyayang magpakasal ngayon? Sabihin mo nga ang totoo, anong kailangan mo sa akin?”

Natawa si Jared, halatang naaliw sa tanong niya. “Sino namang may sabing ayaw ko sa ’yo?”

“Hindi ba?” Yelo ang determinasyon sa boses ni Tanya.

“‘Yang utak mo talaga…”

Hinila ni Jared ang kaniyang malalim at baritonong boses, sabay ngisi. “Sobrang bagal mag-pick up. As always.”

Kung si Jace ang nagustuhan mo ng limang taon, gaano nga naman katalino ang utak mo?

“Anong—”

Bago pa matapos ni Tanya ang sasabihin niya, bigla siyang hinila ni Jared at ikinulong sa mga braso nito. Naramdaman niya ang marahang pagdikit ng dibdib nito sa kaniya, habang ang paos at malalim nitong boses ay umalingawngaw sa ibabaw ng ulo niya.

“Gabi na, matulog ka na. Mag-asawa na tayo ngayon, marami pa tayong oras para kilalanin ang isa’t isa.”

Rinig na rinig sa boses ni Jared ang matinding pagod, at unti-unti nang lumalim ang kaniyang paghinga.

Habang yakap siya nito, ramdam ni Tanya ang init ng katawan ni Jared. Rinig niya ang bawat tibok ng puso nito, at amoy na amoy niya ang pabango nito. Dahil dun, lalong bumilis ang tibok ng sarili niyang puso.

Samantala, sa kabilang dako ng lungsod.

Madaling araw na, pero maingay pa rin sa loob ng isang VIP KTV room.

Buong gabi nang pabalik-balik ang tingin ni Jace sa screen ng kaniyang cellphone. Halatang lutang at walang sa sarili.

Dati naman, kapag nag-aaway sila ni Tanya, hindi aabutin ng kalahating araw ay tatawag o mag-te-text na ito para suyuin siya. Kahit pa nagalit ito kanina at nagbitiw ng mabigat na sumpa, kung susundin ang nakaraan, maximum three hours lang ay magso-sorry na dapat ito sa kaniya.

Pero ngayon? Ang lalim na ng gabi, pero kahit isang tuldok sa WeChat o Viber, wala siyang natanggap.

“Kuya Jace, hinihintay mo ba ang tawag ni Ate Tanya?”

Nakatabi sa kaniya si Nicole, bakas ang matinding guilt sa mukha. “Kung gusto mo, puntahan mo na kaya siya? Sigurado akong sobrang galit ’yun ngayon.”

“Kasalanan ko talaga ang lahat. Hindi ko naman alam na ngayon ang kasal niyo. Kung hindi sana ako umuwi ngayon, hindi sana na-udlot ang pagpapakasal niyo, at lalong hindi magagalit si Ate Tanya.”

Kabisadong-kabisado ni Nicole ang ugali ni Jace—sobrang prideful at ma-pride na lalaki. Kung mas magpapakababa siya at magpapakasensya, mas lalong magagalit si Jace kay Tanya.

At hindi nga siya nagkamali.

Walang pakialam na sumandal si Jace sa sofa. “Hayaan mo siya. Bratty lang talaga ang ugali ng babaeng ’yan. Mapapagod din ’yan at kusang gagapang pabalik sa akin. Don’t mind her.”

“At saka Nicole, walang kinalaman ang pag-uwi mo rito. Ang pagpapakasal, pwedeng-pwede kahit kailan. Matagal ka ring nawala sa ibang bansa, kaya natural lang na bilang kuya mo, asikasuhin kita ngayon.”

Matapos magsalita ni Jace, agad na sumang-ayon ang kaniyang mga kaibigan.

“Oo nga naman, Nicole. Ang tagal mong nawala, miss na miss ka na kaya ni Jace.”

“Kung iisipin, kung hindi dahil sa ka-toxic-an ni Tanya three years ago, hindi mo naman kailangang mag-abroad, ’di ba?”

“Masyadong walang class at kitid ng utak ’yang si Tanya. Hindi alam kung kailan dapat lumugar. Bro, sa pagkakataong ’to, dapat mo talaga siyang turuan ng leksyon.”

Nagdilim ang mukha ni Jace at malamig na umismik. “Kung hindi siya hihingi ng tawad nang maayos kay Nicole, hinding-hindi ko siya babalikan.”

Biglang ngumiti nang napakatamis si Nicole. Malambing niyang niyakap ang braso ni Jace at isinandal ang buong katawan sa lalaki.

“Thank you, Kuya Jace. Hindi mo lang alam kung gaano ako natatakot kanina. Akala ko kasi kapag nagalit si Ate Tanya sa pagbabalik ko, mapipilitan na naman akong umalis.”

“Hindi mangyayari ’yan. Hinding-hindi ko na hahayaang makuha niya ang gusto niya ngayon. Manatili ka lang dito sa lungsod, ako ang magtatanggol sa ’yo,” pangako ni Jace habang sabay na ibinabaligtad ang kaniyang cellphone sa lamesa para hindi makita ang screen.

Lalong lumawak ang ngiti sa mukha ni Nicole. “Ang bait mo talaga, Kuya Jace. Sa buong pamilya natin, ikaw lang talaga ang pinaka-sweet at nagmamahal sa akin.”

Mas better ka ng isang milyong beses kumpara sa panganay nating kuya.

Ang panganay nilang si Jared ay palaging poker face kung tumingin sa kaniya. Malamig at suplado, na parang mortal na kaaway ang tingin sa kaniya palagi.

Balik sa mansyon.

Dama ni Tanya ang banayad at kalmadong paghinga ni Jared sa tabi niya. Unti-unti na ring bumigat ang kaniyang mga pilik-mata hanggang sa tuluyan siyang makatulog.

Ito ang kauna-unahang pagkakataon na nakatulog siya nang ganoon kapayapaan at kahimbing.

Kinaumagahan.

Nang mag-mulat ng mata si Tanya, tumambad sa kaniya ang isang pares ng mapupungay at napakagandang mga mata.

Ang may-ari ng mga matang iyon na si Jared ay nakatitig din sa kaniya. Malalim ngunit may bahid ng lambing ang kaniyang tingin. “Good morning, Mrs. Montenegro. Kamusta ang tulog ng misis ko?”

Tumango si Tanya. “Okay naman. Masarap ang tulog ko.”

Matapos magkayakap sa buong magdamag, nawala na ang matinding pagkailang niya rito.

Bahagyang gumuhit ang ngiti sa mga labi ni Jared. “Mukhang satisfied ka naman sa akin bilang asawa mo.”

Napasimangot si Tanya.

Ano namang koneksyon nun sa pagiging satisfied?!

Bago pa siya makasagot, bumangon na si Jared sa kama at naglakad patungo sa banyo nang nakatalikod sa kaniya. “May morning meeting ako ngayon sa kumpanya, kaya hindi na ako makakasabay sa ’yo mag-breakfast.”

Isang tipid na “Mm” lang ang isinagot ni Tanya.

Ang pitong taon na hiniling niya pero never niyang nakuha kay Jace, hindi niya inaasahang makukuha niya ngayon sa lalaking ’to.

Sabagay, flash marriage lang naman ang nangyari sa kanila.

Pagkalabas ni Jared mula sa walk-in closet, bihis na bihis na ito sa kaniyang mamahaling custom suit. Sobrang sharp tingnan.

Naglalagay naman ng skincare products si Tanya sa harap ng vanity mirror habang pinapanood ang repleksyon ng lalaki sa salamin.

Bagay na bagay rito ang kaniyang dark suit na lalong nagpalitaw ng kaniyang marangyang aura. Matalas ang mga kilay nito, at may natural na heavy presence at awtoridad habang hakbang-hakbang na lumalapit sa kaniya.

“Bumili ka ng kahit anong gusto mo. At huwag mo nang isipin yung mga gamit mo na naiwan doon sa kabila.” Tumigil si Jared sa tabi niya, naglabas ng isang Black Card, at marahang inilapag ito sa ibabaw ng dressing table. “Here you go, Madam.”

Tiningala siya ni Tanya.

Nang makita ang kaniyang pormal, disente, at kagalang-galang na tindig ngayon, parang naging ilusyon lang ang bastos at mapang-asar na lalaki kagabi sa kama.

“Salamat.” Kalmadong tinanggap ni Tanya ang card. Ang pagtanggap niya sa card ay katumbas na rin ng pagtanggap niya sa kaniyang bagong posisyon bilang asawa nito.

Sabagay, kahit sino naman sa dalawang magkapatid ang pakasalan niya, pareho lang naman siyang tatawaging Misis Montenegro.

Ang pinagkaiba nga lang ngayon, ang ex-boyfriend niya ay naging brother-in-law na lang niya.

And honestly? It feels so damn good.

Napansin ni Jared na tila malalim ang iniisip ni Tanya, kaya bigla itong napa-lean in nang napakalapit. Ang mainit nitong labi ay dumikit sa may tainga ng babae, bumubulong nang mapang-akit.

“Mrs. Montenegro, I hope you adjust to this role real quick. Dahil ang gusto ko… ay isang totoong kasal. ‘Yung ginagawa ang lahat ng obligasyon ng totoong mag-asawa.”

Sa isang iglap, automatic na namula ang buong mukha at tainga ni Tanya sa tindi ng kilig at gulat…