Chapter 4

Three years ago.

“Kristine, drink this!” Napatingin ako sa baso ng alak na inilapag ni Marigold sa harap ng mesa ko.

Nasa Overtime Bar kaming dalawa sa sandaling iyon. Niyaya kasi niya ako na mag-bar hopping na pinaunlakan ko naman agad. Matagal-tagal na rin kasi no’ng huli kaming nag-night out. Nagta-trabaho kasi ako sa kilalang hotel sa Singapore. Isa akong chef ro’n. At bihira lang akong umuwi ng Pilipinas para magbakasyon. Kapag naisipan ko lang magbakasyon ay saka lang ako magbabakasyon. Nakatutok kasi ang atensiyon ko sa trabaho. I’m a workaholic person.

Sa totoo lang ay wala akong balak na mag-trabaho sa ibang bansa. Wala din nga sa isip ko na umalis ng Pilipinas noon. Pero nagbago ang lahat ng iyon no’ng muling mag-asawa ang Papa ko.

Nasa senior high ako nang mamatay ang ina ko dahil sa malubhang sakit. At makalipas ang tatlong taon simula noong mawala siya ay nag-asawang muli ang Papa ko. Hiwalay ito sa asawa at may isa ding anak. Si Faye at ka-edad ko lang siya. Mas matanda lang ako ng dalawang buwan. Mabait naman ang stepmother ko sa akin pero hindi ko kasundo ang anak nito na si Faye. Maldita kasi siya at may attitude.

At simula no’ng tumira siya sa bahay namin ay para siyang kung sino. Feeling niya ay siya ang bagong may-ari ng bahay. Lagi ko pa siyang nakikita na binubulyawan at pinapagalitan ang mga kasama namin sa bahay. Simpleng bagay lang ay nagagalit na siya. One time nga, nilapitan ko siya para sana pagsabihan na tigilan na niya ang pagbulyaw sa mga kasambahay dahil wala namang ginagawang masama ang mga ito. Na tigilan na din niya ang pagmumura at panglalait. Pero hindi niya ako pinakinggan. Tinataasan niya lang ako ng kilay.

At sa ginawa kong pagkausap sa kanya ay ako pa ang lumabas na masama kay Papa.. Isinumbong pa niya ako rito na inaaway ko daw siya kahit hindi naman. Na nagmamaldita daw ako. Napagalitan at napagsabihan pa ako ng Papa ko dahil do’n. At kahit anong depensa ko sa sarili ko ay ako pa rin ang nagmukhang masama sa paningin ni Papa.  Mas naniwala at mas kinampihan pa niya si Faye kaysa sa akin. Faye was a good liar.

At simula noong dumating silang dalawa sa buhay ni Papa ay pakiramdam ko ay lumayo ang loob niya sa akin. Mas pinapaboran pa niya si Faye kaysa sa akin. Mas naging tunay pa na anak si Faye kaysa sa akin. Para nga akong outsider sa bahay. Lagi pa niyang pinupuri si Faye kapag magkaharap kaming apat.

Nasasaktan ako pero hindi ko iyon pinapahalata sa kanya. Kasi kapag pinahalata ko iyon ay pagtatawanan lang ako ni Faye. At dahil din do’n ay napagpasyahan ko na lang na tumira sa kapatid ng Mama ko na naninirahan sa Singapore. No’ng sabihin ko ang desisyon ko kay Papa ay hindi man lang niya ako pinigilan. Hindi siya kumontra gaya ng inaakala ko. Akala ko kasi ay hindi niya ako papayagan. Pero mukhang okay lang sa kanya na mahiwalay ako sa kanya. Well, ano pang aasahan ko, mukhang may pumalit na sa akin sa puso niya. Grabe din akong nasaktan dahil do’n.

Nagpakawala ako ng malalim na buntonghininga. Ipinilig ko din ang ulo ko. I’m here to have fun, hindi para mag-isip ng ikalulungkot ko. Dinampot ko ang wine glass na bigay ni Marigold. Pagkatapos ay inisang lagok ko iyon.

“Oh! Rabin!” Napatingin ako kay Marigold nang marinig ko siyang sumigaw. Nakita ko pang may kinawayan siya mula sa kung saan.

Maya-maya ay may lumapit sa amin. Nang mag-angat ako ng tingin ay nakita ko ang isang gwapo at matangkad na lalaki na nakatayo sa harap namin.

“Oh, Mari!” Wika ng lalaki na tinawag ni Marigold na Rabin. Tumayo naman ang kaibigan ko para makipagbeso rito. “Kamusta?” tanong ng lalaki kay Marigold.

Ngumiti naman si Marigold. "Okay lang naman. Mag-isa ka lang?” tanong niya rito.

“Nope. I’m with my cousin,” sagot nito.

Tumango-tango si Marigold. “Oh, by the way. I want you to meet my friend,” wika niya. Pagkatapos ay tumingin siya sa gawi ko. “She’s Kristine Andal,” pagpapakilala niya sa akin.

Tumingin sa akin si Rabin. Inilahad niya ang isang kamay na agad ko namang tinanggap. “I’m Rabin. Nice meeting you,” nakangiting wika nito.

Nginitian ko rin siya. He seems nice. “Same here,” sagot ko.

“Mind if we join you here?” tanong ni Rabin.

“It’s okay with me,” sagot ko nang sulyapan ko siya, binigyan ko rin siya ng isang ngiti para i-assure na okay lang. Mukhang mapagkakatiwalaan din siya kasi kilala siya ni Marigold. At gaya ng sinabi niya ay mukhang mabait ito.

“Okay lang din sa akin,” sagot ni Marigold. “Mas marami mas maganda nga, eh,” dagdag pa niya.

Ngumiti naman ng simpatiko ang lalaki. “Oh, that’s great,” bulalas ni Rabin. Maya-maya ay umupo siya sa couch na tabi ni Marigold.

“Zanjo, here!” Mula sa gilid ng aking mata ay napansin kong may kinawayan din siya. Mukhang ang kinawayan niya ay ang tinutukoy niyang pinsan.

“I’ve been looking for you,” anang isang baritonong boses. Nag-angat naman ako ng mukha patungo sa pinanggalingan ng boses. And standing right in front of me is a guy who is good looking. Kahit na magkasalubong ang mga kilay nito ay gwapo pa rin siya sa paningin ko. Matangkad din siya.

“Sorry,” sagot naman ni Rabin rito. “Oh, by the way, Zanjo. I want you to meet my friend, Marigold,” pagpapakilala ni Rabin kay Marigold. “And this is Kristine Andal, Marigold's friend,” pagpapakilala din niya sa akin.

Sa pagkakataong iyon ay do’n lang sumulyap sa akin si Zanjo. At parang may sumipa sa tiyan ko nang magtama ang mga mata naming dalawa. His charcoal eyes were staring at me intently.

Nginitian ko siya. “Hi,” bati ko, itinaas ko pa ang isang kamay para kawayan siya.

Isang tango lang naman ang isinagot ni Zanjo pero titig na titig siya sa mukha ko.

Inalis ko na lang ang tingin ko at inilipat iyon sa wine glass na nasa harap ko. Hindi ko kasi makayanan ang klase ng titig na ipinagkakaloob niya sa akin. Mula naman sa gilid ng aking mata ay napansin ko pa rin ang mainit na titig niya. Bigla tuloy akong nakaramdam ng pagkailang.

“By the way, I asked Marigold and Kristine if we can join them. Pumayag naman sila kaya dito na tayo maupo sa mesa nila,” narinig kong wika ni Rabin kay Zanjo. “Diyan ka na lang maupo sa tabi ni Kristine,” suhestiyon pa nito.

Umayos ako ng upo nang marinig ko ang suhestiyon na iyon. Bigla akong hindi mapakali.

“Is it okay with you, Kristine?” Zanjo asked me in husky voice.

Ngumiti lang ako ng sulyapan ko siya. Umusog din ako bahagya para makaupo siya sa tabi ko.

Umupo si Zanjo sa tabi ko. Kinagat ko ang ibabang labi ko nang makaramdam ako ng kakaibang pakiramdam ng magdikit ang mga balikat namin no’ng umupo siya. Nakasuot kasi ako ng sleeveless. Nakaramdam ako ng boltahe ng kuryente na dumaloy sa buo kong katawan sa pagdidikit ng katawan namin.

And god, he smells so good, too. Naghalo ang panlalaking amoy niya at ang mabangong pabango sa ilong ko. Sa katunayan, ang sarap amuyin. Hindi kasi masyadong matapang ang amoy ng pabango niya.

Maya-maya ay tinawag ni Rabin ang isang waiter na umiikot para um-order ng drinks, umorder din siya para sa amin.

Maya-maya ay napatingin ako sa cellphone ko na nakalapag sa mesa nang tumunog ang ringtone.

“Excuse me. I’ll just take this call,” paalam ko sa kanila. Pagkatapos ay tumayo ako mula sa pagkakaupo.

“Uhm, excuse me,” sabi ko kay Zanjo. Nakaharang kasi siya sa dadaanan ko. Pero sa halip na tumayo para makadaan ako ay sumandal lang siya sa couch na inuupuan niya. Napanguso ako nang dumaan ako sa pagitan ng mesa at sa binti niya.

At hindi ko inaasahan ang sumunod na nangyari. Nasagi ko ang binti ni Zanjo dahilan para mawalan ako ng balanse. At nanlaki ang mga mata ko nang mapaupo ako sa kandungan niya sa sandaling iyon.

And my cheeks suddenly heat up when I felt his bulging crotch poking my behind.

Nanlalaki ang matang napatingin ako sa kanya at hindi ko napigilan ang mapasinghap nang mapansin kong ang lapit-lapit lang ng mukha niya sa akin. At nang medyo nahimasmasan ako ay bigla akong tumayo mula sa pagkakaupo ko sa kandungan niya.

"S-sorry," halos pabulong kong wika dahil sa hiyang nararamdaman ko.

Hindi ko na hinintay na magsalita pa siya.

Naglakad na ako paalis do’n habang ang puso ko ay tumitibok ng mabilis.