Kabanata 17.2

“Dahil malandi ka.” may diin pa niyang saad, hindi ko alam kung anong ginawa ko sa kaniya para magalit siya sa akin ng ganito. “Malandi ka Trina! Malamang gawa gawa mo lang lahat. Malamang ikaw talaga ang pumilit kay Daddy na ipakasal ka sa kaniya, inagaw mo siya sa akin. Inagaw mo sa akin si Darren!”

“Ate wala akong inaagaw mula sayo, wala akong nilalandi at huwag mo akong pagbibintangan na gawa gawa ko lang ang lahat—“ hindi ko na natapos ang sasabihin ko ng dumapo na sa mukha ko ang malakas niyang sampal. Hindi naman ako kaagad nakaimik, hindi kami nag-aaway ng ate ko, ni minsan ay hindi niya rin ako pinagbuhatan ng kamay kahit na hindi kami close o kahit na hindi niya ako gusto.

“Wala kang karapatan na sagot-sagutin ako Trina. Tandaan mo, anak ka lang sa labas at nakakahiyang malaman ng publiko na isang mababang uri ka lamang na babae na pinakasalan ni Darren. Ihinto mo na ang kahibangan mo kung ayaw mong mapahiya si Darren sa lahat ng mga tao. Kung makapagsalita