Chapter Fifteen

 BIGLA ang pagkawala ng kulay sa mukha ni Minnie ng tuluyan niyang inalis ang palad sa pregnancy test na hawak-hawak niya ng mga sandaling iyon.

"Paano na 'tu,"nanginginig ang boses na usal ni Minnie. Parang maiiyak siya sa pagragasa sa kanya ng mga samo' t saring alalahanin sa utak niya. Halos isang minuto rin siyang nakatitig lang sa dalawang guhit ng linya na nasa testing kit na hawak-hawak pa rin niya.

Tuluyan siyang napatayo mula sa pagkakaupo sa bowl kahit nanlalambot pa rin siya.

"Ano ng gagawin ko,"patuloy na pakikipag-usap ni Minnie sa sarili. Nag-umpisang mangilid ang luha sa mata niya, hanggang sa tuluyan ng naglandas sa pisngi na niya iyon.

Naupo na siya sa ibabaw ng kama niya habang nakatitig lang sa kawalan. Wala pa rin siyang ideya kung paano niya sosolusyunan ang kanyang  pinagdadaanan.

Sa kasagsagan ng pag-iisip niya ay narinig niya ang pag-ring ng IPhone niya na nasa loob pa rin naman ng handbag niya. Dahil sa pinagtuuna