Chapter Seventeen

 NAGTAKA si Minnie dahil hindi siya sa kanyang  counter  pinaderetso ni Sandy.

"Bakit daw Ma'am Patty?"patuloy na pagtatanong ni Minnie na kakaba-kaba sa mga sandaling iyon.

"Sorry talaga Ms. Ledesma pero maging ako man ay hindi ko rin alam kung bakit pinapatawag ka ni Mommy Dee,"tugon lamang ng babae sa tanong niya.

Tuluyan na siyang iniwan nito mula sa labas ng pinto ng office ni Sandy.

Nag-alangan pa siyang katukin iyon, ngunit sa huli ay nagawa na rin naman niyang kumatok. Wala rin mangyayari kung tutunga siya roon.

Tatlong katok ang ginawa niya bago niya tuluyan ipihit pabukas iyon.

Alanganin ngiti ang ipinakita niya rito, mukhang hinihintay nga siya ng babae. Dahil dati-rati kapag nagpupunta siya roon ay maraming mga papeles itong binabasa sa ibabaw ng desk nito.

"Maupo ka muna Minnie, gusto mo ba ng tubig. Baka nagugutom ka sasabihan ko si Leandro na pagawan ka ng sandwich,"malumanay n