Chapter 13

Nahuli ng mga mata ko ang pagsiko ni Aling Paloma sa kaniya kaya naalis ang tingin nito sa akin. Nang wala ng naglakas loob na magsalita ay marahas ko na silang tinalikuran.

Bumuntong hininga ako pagdating sa bahay. Pinilit kong alisin sa isipan ang mga narinig ko kanina. Masama ang loob ko pero ayaw ko na silang pagtuunan ng pansin. Siguro naman titigil na sila sa pag-iinsulto matapos ko silang komprontahin. Nakitaan ko ng hiya at awa ang mga mata ng tatlong matatanda nang binanggit kong nasa hospital ang anak ko, sana lang totoo ang awang 'yon.

Nagsimula na akong nagpalit ng damit at inihanda ang mga dadalhin sa hospital dahil doon ako muling matutulog. Hindi ako papasok bukas dahil kailangang nasa tabi ako ng anak ko sa operasyon niya.

Napapagod at inaantok na rin ako pero nagawa ko pa ring silipin ang sobreng inabot ng lalaking kasama ko kanina. Manipis lang ito kaya sinilip ko. Nakita ko ang pangalan ng bangko kung saan ito maaaring i-withdraw. Hindi ko na pinansin pa kung magka