Chapter 14

Damang-dama ko ang bawat pag-dampi ng malamig na hangin sa balat ko habang nakatanaw sa malawak na siyudad dito sa balcony ng unit ko.

Nilagok ko sa hawak kong yakult at napabuntong hininga. Bakit ba naaalala ko na naman ang nakaraan? Akala mo naman may past talaga kami ni Charles kung makaasta ako. Akala mo naman talaga jinowa ako nung tao para magkaganito ako.

Biglang nag-ring ang cellphone ko. Kinuha ko iyon sa bulsa ng cotton shorts ko at walang tingin-tingin na sinagot ang tawag.

"Hello?"

"Nasa labas ako ng unit mo. Naiwan ko na naman spare key ko sa bahay." bungad sa akin ni Nathan pagkasagot ko ng tawag.

Napailing ako ng wala sa oras nang marinig ang boses niya. Ilang araw na bang hindi nagpaparamdam ang isang 'to simula noong nanggaling ako sa unit niya? Tapos ganito na naman bigla na lang sumusulpot out of nowhere.

Paano noong kinukulit niya ko ng kinukulit tungkol sa panliligaw niya pati na rin yung issue kay Charles, nasigawan ko siya. Ang hudas, tinalikuran ako at umalis n