Chapter 75

Hawak-hawak ang masakit na ulo mula sa pag-iyak ay matagal-tagal bago napagpasyahan ni Sandro na sagutin ang kanina pa tawag nang tawag na numero sa kanyang cellphone.

Pinahid niya ang mga luha gamit ang braso at umakto nang maayos.

"Hello?" iyon ang bating panimula niya. Kinakabahan siya. Paano kung si Vana na pala ang tumatawag at hindi niya man lang ito nasagot kaagad?

Sinipat niya ng tingin ang ilang kapulisan na nakatambay sa kanyang salas.

"Hello, Sandro dela Vega? Ikaw ba 'to?"

Tila nanigas si Sandro nang dahil sa narinig. Hindi siya maaaring magkamali sa boses na iyon. Paano ba niya malilimutan ang boses na ito kung isa ito sa pinaka importanteng tao sa buhay nila ni Lyv.

Ngunit, paanong nangyari ito?

"Alam kong gulat ka, dela Vega. Pero ako talaga ito. Si Tri," pag-amin naman ng lalaki sa kanya mula sa kabilang linya.

Ang kanyang kausap ay walang iba kundi si Atty Dimitri Castillo.

Ngunit, paano ito nangyari? Namatay na si Tri. Kitang kita ng dalawang mga mata niya ang duguan