Chapter 6

Faye’s Point of View

Nauna akong matapos kumain kaya mabilis akong umakyat sa kuwarto para hanapin ang phone ko. Kinalikot ko ang message conversation namin at isa-isang dinelete ang tingin ko ay nakakaduda— at malalaswa.

To Matheo:

Bruha ka. Umuwi ka na rito bago pa maghatinggabi, kun’di pag-uuntugin ko kayo niyan ni Tyler.

To Matheo:

Nasaan ka? Papunta raw si Mommy sa bahay, bibisita. Umuwi ka muna, bilisan mo. Kinakabahan na ako rito.

To Matheo:

Tumawag sa akin si Tyler, hinahanap ka. Nag-away ba kayo? O chini-check kung nagmimilagro na tayo? HAHAHAHAH

From Matheo:

Should I buy s*x toys for you?

Para akong binuhusan ng malamig na tubig nang makita ang text na iyon galing kay Matheo na noong nakaraang taon pa naman iyon ipinadala!

Talagang umabot na ako rito sa pagdedelete ng mga mensahe.

Nanginginig ang kamay na sinubukan ko iyong idelete.

Palibhasa’y aktibo ang s*x life niya kaya alalang-alala siya sa akin. Naisipan niya pa talaga na ibili ako ng s*x toys! Naalala ko tuloy na pinagkukurot ko siya no’n nang pagkauwi niya.

Until now we still don’t consummate our marriage. Virgin pa rin ako. Hanggang halikan at yakapan lang kami ni Matheo. At ginagawa lang namin iyon kapag alam namin na may audience kami at kailangan.

Isa pa, diring-diri ‘yon sa akin kapag napag-uusapan naman ang tungkol sa pagse-sex.

Parang lulubog na ang puso ko. Hindi ko maintindihan kung bakit parang naaawa ako sa sarili ko.

Siguro kasi hindi lang din ako makapaniwala na ilang taon na akong kasal… pero hanggang ngayon ay wala pa rin experience sa kama.

Isn’t it ironic? I’m still a virgin, but I'm already married for more than two years.

“What is that?”

Napatalon ako sa gulat at nilingon ang boses.

Hindi ko man lang narinig na bumukas ang pinto o ang mga yabag niya palapit! Bigla na lamang siyang sumulpot at kung hindi pa nagsalita ay hindi ko malalaman na narito na siya!

Madali akong umatras at sobrang bilis ng kamay na dinelete iyong mensahe ni Matheo sa akin tungkol sa s*x toys.

Kumunot ang noo ni Mikhael.

“What’s wrong with you?” Malamig niyang tanong.

Tumikhim ako, inalis ang bara sa lalamunan at sa hindi malamang dahilan ay dinaanan na naman sa tawa ang matinding kaba.

“Wala… just personal messages from my husband. Hindi na ‘yon mahalaga. Nakakahiya lang kung mababasa mo.” Sagot ko.

Nagtaas siya ng kilay at mukhang mas nairita sa akin.

Inabot ko sa kaniya ang cellphone ko.

“Nasa pinakababa ‘yong huling message niya.” Ani ko.

Tinanggap ni Mikhael ang cellphone ko at tiningnan ang huling mensahe galing kay Matheo.

From Matheo:

5r1r3l3s9l2l4r

Tinitigan iyon ng matagal ni Mikhael at napapakunot noo siya. Tumabi ako sa kaniya at tiningnan kung ano na ang tinitingnan niya, baka mamaya magscroll na lang siya bigla at makakita ng kung ano-ano roon!

Pero hindi naman niya ginagalaw ang coversation, baka nga nag-iisip siya ng malalim doon sa cryptic message ni Matheo.

Unti-unti siyang bumaling sa akin at napakunot-noo.

Tinaasan ko naman siya ng kilay.

“Ano?” Taka kong tanong sa kaniya.

“Matheo lang ang pangalan ni Matheo sa phone book mo?”

“Huh?”

Naguluhan ako sa tanong niya. Ano’ng… bigla’y naunawaan ko ang sinasabi niya. Hinablot ko sa kaniya ang cellphone at pinaikot ang mga mata.

“What the h*ck, Mikhael? ‘Yon pa talaga ang pinansin mo? Akala ko pa naman naiintindihan mo na ‘yong kahulugan no’ng text niya.”

Tumitig pa rin siya sa akin, hindi natinag sa sinabi ko.

“You don’t have an endearment with your husband? Bakit Matheo lang ang nakalagay? Should you not call him love, babe, sweet, donut or whatever cringe endearment there is? Talagang Matheo lang?”

Para siyang natatawa.

I gritted my teeth in annoyance.

“Ano bang pakialam mo? Mas sweet kaya ‘yong tinatawag ka sa pangalan mo kasi chine-cherish niya ‘yong ikaw… ‘yong pangalan mo mismo!”

Ngumisi siya bigla.

“Talaga, Faye?”

Hindi na kanina maipinta ang mukha ko dahil sa inis sa kaniya, pero nang banggitin niya ang pangalan ko'y wala nang ibang ekspresyon sa mukha ko kung hindi gulat.

Nakita niya ang pagkakatigil ko.

“Hmm…” he smirked.

Nagtagis ang bagang ko at sa matinding inis sa kaniya ay hinampas ko ang braso niya. Pero ako lang ang nasaktan! Ang tigas pala.

“Huwag mo nga akong ma-Faye Faye diyan!” Sigaw ko.

Mas lalo lang lumaki ang pagkakangiti niya.

Isa na naman iyon sa pagkakaiba nila ni Matheo. Si Matheo kapag nakangiti, maaliwalas at magaan. Mas nagiging maamo ang mukha. Itong si Mikhael naman kapag ngumiti parang nang-iinsulto na ewan!

Inirapan ko siya at naglakad na lang papunta sa kama para makalayo sa kaniya.

“Ano, tingin mo may maitutulong ‘yong text sa paghahanap kay Matheo?”

Nanatili siya sa kaniyang kinatatayuan at sinusundan ako ng tingin.

“I think it’s a code. Papatingnan ko sa coder namin, baka may maisip siya kung saan iyon magagamit. Send it to me.” Aniya.

Kinunutan ko siya ng noo.

“E, wala naman akong number sa'yo.” Reklamo ko.

Saka lamang siya humakbang palapit at kinuha sa kamay ko ang cellphone. Sa sandaling nagkadikit ang balat naman ay para na akong napapaso kaya mabilis ko iyong binitawan.

“What’s your phone's password? You need to open it.” Aniya, pero iniharap na sa akin ang screen para mascan ang mukha ko.

Bumukas iyon dahil sa face identification.

Nagtipa siya at ilang sandali lang ay ibinalik niya rin sa akin ang cellphone ko.

“Send it to my number now.” Utos niya.

Inismiran ko siya. Kala mo kung sino'ng makautos.

Pero syempre, sumunod pa rin ako.

Ang problema, hindi ko mahanap sa contacts ko ang pangalan niya noong ifoforward ko na iyong text ni Matheo sa akin.

“Wala naman dito ang pangalan mo? Walang Mikhael.” Puna ko saka nagscroll na lang sa contacts.

Nakatayo lang siya doon, nakatingin sa akin.

“Ano bang nilagay mo sa contacts—”

Napatigil ako sa pagtatanong nang makita ang hindi pamilyar na pangalan at numero sa contact list ko.

My Husband?

T-teka…

Marahas akong nag-angat ng tingin.

“Inilagay mo ‘to sa contacts ko?”

Pinakita ko sa kaniya ang contact information ng numero ng may pangalan na My Husband.

Nagkibit-balikat pa talaga siya!

“Yeah, since I’m your husband now, dapat lang na gano'n ang pangalan ko sa contacts mo.”

Nalaglag ang panga ko sa sinabi niya.

O my god, the audacity of this person!