Chapter 2

Dahan-dahang nagkamalay si Red. Ang kanyang mga talukap ay tila bumigat habang ididilat ang mga mata sa loob ng isang silid na nababalutan ng puti at amoy gamot. Hindi pamilyar sa kanya ang paligid. Napahawak siya sa kanyang ulo nang makaramdam ng kaunting pagkahilo.

Anong nangyari? Nasaan ako?

Habang inililibot niya ang kanyang paningin, biglang bumukas ang pinto at iniluwa nito ang isang doktor na nakasuot ng puting coat. “You’re finally awake, Red. How are you feeling? May masakit ba sa katawan mo?” tanong ng doktor habang sinusuri ang kanyang vital signs.

Unti-unting nagbalik sa alaala ni Red ang lahat ng nangyari bago siya nawalan ng malay. Ang bawat eksena ay tila isang masamang panaginip na nagdulot ng pagtulo ng kanyang mga luha. Kahit na nasasaktan siya sa pagtrato ni Sebastian, hindi niya pa rin maiwasang mag-alala para dito, lalo na’t alam niyang niloloko lamang ito ni Sue.

“Yesterday, your helper rushed you to the hospital after you suffered significant blood loss. Mabuti na lamang nadala ka rito kaagad bago pa maubos ang dugo mo,” nag-aalalang sambit ng doktor.

Nakaramdam si Red ng kirot sa dibdib. Si Yaya Baby ang nagdala sa kanya? Umaasa siya, kahit katiting, na si Sebastian ang gumawa noon.

“Despite the blood loss, your baby is still alive. Ligtas siya at malakas ang kapit sa'yo. Masigla ang anak mo. We need to closely monitor your condition and might need to consider a blood transfusion to stabilize your condition and provide adequate oxygen to the baby.”

Halos hindi makapagsalita si Red. Anong baby? Sinasabi ba nitong buntis siya?

“N-Nagkakamali po yata kayo. Hindi po ako buntis. I mean... hindi ako mabubuntis,” sagot ni Red. Mayroon siyang Polycystic Ovary Syndrome (PCOS), ang dahilan kung bakit hirap silang magkaanak ni Sebastian sa loob ng tatlong taon.

Ngunit ngumiti lang ang doktor. “I have conducted some tests, and based on the results, I can confirm that you are currently in your first trimester of pregnancy. Sigurado akong buntis ka, iha. May bata sa tiyan mo.”

Gulong-gulo ang utak ni Red. Gusto niyang maniwala, pero natatakot siyang umasa muli gaya ng nakaraang dalawang beses na nauwi lang sa wala. Matapos magpaliwanag ng doktor tungkol sa button na dapat niyang pindutin kung may kailangan siya, iniwan na siya nito.

Kinaumagahan, napagpasyahan ni Red na umuwi. Maayos na ang lagay niya at ng baby ayon sa doktor. Natapos ang buong araw kahapon nang walang kahit isang anino ng kanyang pamilya o ni Sebastian na dumalaw sa kanya.

“You need to take good care of yourself. Ang mga bilin ko sayo, ang mga bawal. Tandaan mo, dalawang buhay na ang dinadala mo. Maiingatan mo lang ang bata, kung iingatan mo ang sarili mo,” paalala ng doktor bago siya lumisan.

Napahawak si Red sa kanyang tiyan. Magbabago kaya ang isip ni Sebastian kung malalaman nito ang tungkol sa kanilang anak? Ngunit naisip niya, magkakaanak din ito kay Sue. Napatingin siya sa kanyang wristwatch. Mag-aalas kwatro pa lang ng hapon. Napagpasyahan niyang dumiretso sa opisina ni Sebastian para ibalita ang tungkol sa kanyang pagbubuntis.

“Magandang hapon po, Madam,” bati ng security guard sa Rosell Enterprise. Kilala siya rito bilang pinsan ng boss. Tatlong taon na silang kasal, ngunit kailanman ay hindi iyon isinapubliko ni Sebastian.

Pagsakay niya sa elevator, narinig niya ang usapan ng dalawang empleyada.

“Narinig mo na ba ang balita? Ikakasal na daw si Sir Sebastian.”

Halos magpintig ang mga tenga ni Red. Hindi pa sila divorced, pero bakit may mga bali-balita nang ganito?

“And who’s the lucky girl? Napakaswerte naman niya dahil si Sir Sebastian ang mapapangasawa niya,” tanong ng isa.

“I’m not sure about the name but it sounds like Sue. Galing din daw sa mayamang pamilya. At matagal na raw kakilala ni Sir Sebastian.”

Naipikit ni Red ang kanyang mga mata habang kinakagat ang labi upang pigilan ang mga luha. Wala siyang ibang ginawa kundi mahalin ang kanyang asawa, pero bakit ganito ang natatanggap niya?

Pagkarating sa tenth floor, pinahid niya ang kanyang mga luha at tinungo ang opisina ni Sebastian. Nadaanan niya ang sekretarya nito na si Alex, ang kaisa-isang tao na nakakaalam ng tungkol sa kanilang kasal.

“Red? What brings you here?” tanong ni Alex.

“I’m here to talk to Sebastian. Nandito pa ba siya?” pilit na ngiti ni Red. Hindi niya gustong mag-alala ang kaibigan. Tumuloy siya sa loob ng opisina matapos iwan si Alex.

“Anong ginagawa mo dito?” bungad ni Sebastian sa kanya na may salubong na mga kilay. Hindi ito masaya na makita siya.

Naupo si Red sa sofa. “I have something to tell you. Can you spare me a moment? Hindi rin ako magtatagal. Kunting oras lang ang hinihingi ko.”

Ngunit bago pa man niya masabi ang tungkol sa baby, tumayo si Sebastian at kinuha ang isang brown envelope sa mesa nito. Pabagsak itong inilapag ni Sebastian sa harap niya.

“Care to explain to me these? Ano ang mga ito?”

Naguguluhan man, binuksan ni Red ang sobre. Halos tumayo ang kanyang mga balahibo nang makita ang mga litrato sa loob.

Paanong nangyari ito?

“For three years? Ngayon mo pa talagang naisipang magloko, Red?” galit na sigaw ni Sebastian.

Nanginginig ang mga kamay ni Red habang tinitingnan ang mga litrato. Bigla niyang naalala ang usapan ni Sue sa telepono noong isang araw. Ito na nga ang planong sinasabi nito, ang galitin si Sebastian lalo sa kanya.

“No, Sebastian! Please listen to me,” napatayo siya at hinawakan ang kamay ng asawa. “It was Sue’s scheme. Siya ang may kagagawan niyan. Gusto niya akong sirain sa'yo. Hindi siya katulad ng iniisip mo. I was drugged that night and when I woke up—”

Isang malakas na sampal ang nagpatigil sa kanyang paliwanag.

“Tama na! Ayaw ko marinig ang kasinungalingan mo. Sapat na ang mga litrato na ito para patunayan ang ginawa mo. Huwag mo ibaling sa iba ang kasalanang ginawa mo!” diring-diri itong nakatingin sa kanya. “Itong tatandaan mo, you won’t receive any financial support from me after the divorce. Your family is at stake, so don’t hold me responsible if something unfortunate happens to your family’s business. Magdudusa ka, magdudusa kayo.”

Napahagolhol na lang si Red. Hindi niya alam kung paano sasabihin ang tungkol sa anak nila dahil sa puntong iyon, kahit anong sabihin niya ay hinding-hindi na maniniwala si Sebastian sa kanya.