CHAPTER 4.1: CHEKE

Hindi agad siya nakagalaw sa sinabi ni Jack ngunit nang makabawi ay masama niya itong tiningnan saka niya pilit na tinanggal ang pagkakahawak nito sa braso niya.

Nasaktan siya sa sinabi ni Jack dahil kahit naman alam ng buong pamilya ni Alfred na mag-asawa sila, hindi naman lingid sa kaalaman ng mga ito na kailanman ay hindi siya itinuturing na asawa ng lalaki.

"Asawa man ang turing sa akin ni Alfred o hindi, hindi pa rin mababago no'n ang katotohanan na sister-in-law mo ako at hindi mo dapat ako hinahawakan at kinakausap ng ganito! Remember this, Jack, isang beses pa na gawin mo ulit itong ginawa mo ngayon, hindi na ako magdadalawang-isip na ipapulis ka!" galit niyang saad bago mabilis na sumakay sa binook niyang sasakyan nang makitang dumating na ito.

Nang makasakay ay marahan niyang hinilot ang hita niyang masakit pa rin hanggang ngayon bago nag-angat ng tingin sa driver nang magsalita ito.

"Saan po kayo, Ma'am?" Naisip niya agad na pumunta sa TV station kung saan siya nagtatrabaho ngunit Naalala niyang binigyan nga pala siya ng ilang araw na day off ni Mr. Alcantara.

Pero naalala niya ring mayroon pa siyang interview transcript na kailangang tapusin kaya naman sa huli ay sa TV station pa rin siya nagpahatid. Sakto 'yon dahil nalulungkot siya, mas mabuti nang may gagawin siya nang sa gano'n ay kahit papano ay makalimutan niya ang lyngkot na nararamdaman.

Isang senior news reporter si Yasmine, at lagging nakatoka sa kanya ang mga imbestigasyon lalo na sa mga kahina-hinalang negosyo ng maraming sikat o Kkhit pa yung mga hindi kilalang personalidad sa buong bansa at marami na siyang natulungan dahil sa ginagawa niya.

Nang makarating siya sa TV station, sinalubong siya agad ng editor in chief nila na siya ring boss niya na si Mr. Alcantara, inimbitahan siya nito sa opisina nito.

"Take a seat, Yasmine," ani nito, iminuwestra ang visitor's chair.

Ginawa niya naman 'yon bago siya nagtatakang tumingin sa lalaki lalo na nang mapansin niyang tila may gusto itong sabihin sa kanya ngunit nag-aalangan lang.

"Mr. Alcantara? Ayos lang po ba kayo? Uhm, is there something that you want to tell me?" tanong niya.

Bumuntong-hininga ang lalaki bago ito umupo sa swivel chair. Actually, yes. May gusto talaga akong sabihin sa'yo. Tungkol ito sa nangyari sa'yo. Nalaman na naming kung sino ang mga nanakit sa'yo, ang kaso.."

"Ang kaso ay may koneksyon sila at makapangyarihan?" pagpapatuloy niya.

Sa totoo lang, hindi na siya magugulat kung makapangyarihan nga ang mga nanakit sa kanya. Gano'n naman palagi dahil kapag makapangyarihan ang isang tao at maraming koneksyon ay madaling mapagtatakpan ng mga ito ang mga kasalanang ginawa.

Muling bumuntong-hininga ang lalaki bago ito tumayo at kumuha ng isang basong tubig bago inabot sa kanya.

"Nagtanong-tanong ako at nalaman ko na ang nag-utos sa mga lalaking nanakit sa'yo ay walang iba kung hindi ang kapatid ng ex-girl friend ni Alfred Deogracia. Ngayon, ang Malala pa ay protektado siya ni Alfred, pati ang mga lalaking nanakit sa'yo ay pinoprotektahan."

Nabato si Yasmine sa narinig, mariin niya ring naikuyom ang kanyang mga kamao, hindi niya alintana ang sakit ng mga kuko niyang bumabaon sa kanyang palad dahil sa sobrang diin ng pagkakakuyom niya.

Sa kabilang banda, agad na binalot ng pag-aalala si Mr. Alcantara nang makita niya ang nakakuyom na mga kamao ni Yasmine. Lalo pang nag-igting ang pag-aalala niya para sa lalaki nang mapansin na naging malamig ang emosyon nito.

"Yasmine? Yamine?" kapagkuwan ay tawag niya sa babae nang hindi agad ito makapagsalita.

Napa Kurap-kurap naman ito. "Ano pa pong nalaman niyo, Mr. Alcantara? Please, tell me everything," saad nito.

Napalunok siya dahil doon, sa nakikita niyang sitwasyon ng babae, parang ayaw niya nang sabihin ditto ang lahat. Ngunit alam niyang hindi Pwede 'yon. Alam niyang dapat ay malaman ni Yasmine kung ano ang totoo.

Kaya naman lakas loob niyang inabot sa babae ang isang cheke, limang milyon ang halaga no'n. "This is the compensation from the Enriquez family. Gusto nilang makapag-areglo at handa raw silang magdagdag pa ng pera kung gugustuhin mo basta ay 'wag ka nang magsasampa ng kaso."

Malamig na tiningnan ng babae ang cheke bago ito tumayo at kinuha 'yon.

"Okay, naiintindihan ko ang gusto nila," ani pa nito bago nagpaalam at lumabas ng opisina.

Siya naman ay kunot-noong hinabol ng tingin ang babae. Nagulat siya sa ginawa nito. Hindi naman kasi 'yon ang unang beses na may nanakit sa babae at gustong makapag-areglo. Ang bago lang ay ang pagtanggap nito sa cheke na senyales na pumapayag itong makapag-areglo.

Hindi niya maitatanggi na medyo dismayado siya sa desisyon ni Yasmine. Noon kasi ay talagang hinaharap at kinakasuhan nito ang mga nanakit ditto.

Ngunit, hindi niya rin naman ito masisisi kung bakit itong pumayag na makioag-areglo sa mga Enriquez na tinutunlungan naman ng makapangyarihang negosyante na si Alfred Deogracia.

Samantala, matapos makapag-usap sa editor-in-chief ay agad namang inasikaso ni Yasmine ang mga interview transcript na siyang dahilan kung bakit siya pumunta ng TV station.

Kinabukasan ay gano'n din ang ginawa niya. Nagtrabaho ulit siya, hindi alintana ang katawang medyo nananakit pa rin.

Alam din ng mga kasamahan niya sa trabaho ang nangyari sa kanya kaya naman ang ilan sa mga malalapit niyang kaibigan doon ay kinumusta at dinamayan siya.

"Naku, Salamat ditto. Hindi na dapat kayo nag-abala pa," aniya nang bigyan siya ng pagkain at ointment ng mga ito.

"Sus! Okay lang 'yan, Yasmine! Tanggapin mo lang lalo na yung mga ointment, makakatulong 'yan para mas mabilis na maghilom ang mga sugat at pasa mo."

Napangiti siya dahil do'n at muling nagpasalamat. Ilang minuto pa siyang kinausap ng mga kaibigan niya at niyaya pa siya ng mga ito na lumabas pagkatapos ng trabaho na maingat niya namang tinanggihan. Naintindihan naman ng mga ito ang desisyon niya at labis niyang ipinagpapasalamat 'yon.

Nang matapos sa pakikipag-usap ay muling bumalik sa pagtatrabaho si Yasmine. Nasa gano'n siyang sitwasyon nang maramdaman niya ang isang presensya sa gilid niya. Nilingon niya 'yon at hindi niya napigilan ang lihim na mapairap nang Makita kung sino ang taong nakatayo sa gilid niya.