Kabanata 5

Paglabas ng banyo ni Ruby ay kaagad niyang nakita si Erika na nakasandal sa pader at mukhang hinihintay siya. Nang makitang lumabas siya ay kaagad na itong lumapit sa kaniya at hinawakan ang braso niya bago siya nito hinila paakyat sa taas. Ang mga mata nito ay nag-aapoy sa galit habang nakatingin sa kaniya.

“Alam mo, hindi ko alam kung anong nakita sayo ni Daddy at bakit niya ipinagpipilitang ipakasal ka kay Kuya e ang pangit mo naman. Hamak na mas maganda sayo si ate Wendy kaya hindi nakakapagtaka kung bakit sukang-suka din si Kuya sa pagmumukha mo!”

Hindi lang ang mga ito ang nagsabing pangit siya sa, maraming tao na ang nagsabi ng salitang iyon sa kaniya kaya sanay na siya. Isa pa, siya rin naman ang may gawa nun sa sarili niya kaya wala siyang pakialam kahit na anong sabihin pa ng mga ito sa kaniya.

Ngumiti siya rito. “Kung ganun naman pala, bakit hindi mo na lang kumbinsihin ang iyong ama na kanselahin na ang engagement na ito?”

Nakita niya ang pagtatagis ng mga bagang nito bago siya bago sila tumigil sa isang silid. “Ito ang magiging silid mo ngayong gabi.” sabi nito sa kaniya.

Sa isip isip ni Erika, kapag pumasok ang pangit na babae sa silid na iyon ay baka tuluyang hindi matuloy ang engagement ng kapatid niya rito. Isa pa, ang silid na iyon ay ang magiging silid ng kanilang tiyuhin na si Zach at kapag nakita nito sa loob ang babae ay tiyak na hindi nito iyon palalampasin. Ang isipin pa lang na makakatikim ito ng katatakot-takot na mga salita mula sa tiyuhin niya ay halos maging masaya na siya.

Binuksan niya ang pinto at biglang itinulak ito papasok si Ruby. ini-lock niya ang pinto mula sa labas para hindi ito makalabas bago siya ngumiti, tingnan lang natin ngayon ang galing mong babae ka.

******

Hindi makapaniwalang napatitig si Ruby sa pinto, sinubukan niyang buksan iyon ngunit sarado ito. Nagdilim ang kanyang mga mata. Nang ilibot niya ang kanyang tingin sa loob ng silid ay napansin niya kaagad ang nakasarang pinto ng banyo at mula doon ay maririnig ang lagaslas ng tubig, tanda na may tao sa loob.

Samantala, mabilis na tumalikod si Erika para hanapin ang kapatid niya. Kailangan niyang magmadali. Mabuti na lang at nakita niya rin naman kaagad ang kapatid niya, “Kuya, kuya! Nakita ko si Ruby at… at…”

Naging madilim ang mga mata nito kaagad nang marinig ang pangalang binanggit niya. “Wala akong pakialam sa babaeng iyon kahit na mamatay pa siya.” tatalikod na sana ito ngunit pinigil niya ito.

“Nakita ko siyang pumasok sa kwarto ni Tito! Mukhang plano niyang akitin si Tito kaya kailangan mo siyang mahuli sa akto!”

Napuno ng dilim ang mukha nito bago naglakad paakyat. “Desperada talaga ang babaeng iyon!” nakakuyom ang mga kamay nitong sabi habang naglalakad. Sumunod siya kaagad dito.

*****

Biglang tumigil ang lagaslas ng tubig sa banyo a kasunod nito ay ang pagbukas ng pinto. Napatingin siya rito at nakita ang lalaking nakatapis lang ng tuwalya sa ibabang bahagi ng katawan nito. Napalunok siya at nag-iwas ng tingin mula rito. Hindi niya kayang tingnan pa ang perpektong pangangatawan nito.

“I-ikaw pala Tito…” halos mautal-utal na sabi niya dahil hindi niya akalain na ito pala ang nasa loob ng banyo.

Kaya pala, talagang sinadya ng lalaking iyon na ikulong siya sa silid na ito.

Malamig ang mga matang tumingin ito sa kaniya. “Anong ginagawa mo rito?” malamig ang boses na tanong nito sa kaniya. Hindi siya nakasagot kaya nagpatuloy ito. “Ganun na ba kalakas ang loob mo para gawin ulit ang ginawa mo kagabi? At talagang dito pa kung saan ay napakaraming matang nakatingin?” puno ng panunuya ang mga matang nakatingin sa kaniya.

Halata sa mga mata nito na iniisip nitong sinadya niyang pumasok sa loob ng silid nito para akitin ito na para bang isang babaeng gold digger.

Sinalubong niya ang mga mata nito. “Sa tingin mo ba talaga ay ganun na ako katapang Tito? Hindi ako ang may pakana nito, isa itong trap.” sagot niya na totoo naman.

“Sa tingin mo ay maniniwala ako sayo?”

Napakuyom ang mga kamay niya. “Subukan mong buksan ang pinto para maniwala ka, inilock ng magaling mong pamangkin ang pinto mula sa labas pagkatapos nila akong itulak dito papasok.”

Para maniwala ito ay mabilis niyang inilagay ang kamay sa pinto at binuksan ito, isang click ang narinig nila. Namilog ang kanyang mga mata. Ang kaninang naka-lock na pinto, ngayon ay bukas na.

Malamig na tiningnan siya ng lalaki. “Nice acting.” komento nito.

Napahiya siya sa totoo lang pero paano niya ipapaliwanag rito ang totoo? Alam niya na sa mata nito ay katawa-tawa siya. “Kung ayaw mo akong paniwalaan, wala akong magagawa.” sabi niya at akmang aabutin na sana ang seradura ng pinto nang mula sa likod niya ay hinila siya ng lalaki paatras at ito ang humakbang sa harapan niya upang harangan ang pinto.

“At sinong nagsabi sayo na pwede kang umalis ng hindi ko sinasabi?”

Halos maliit lang ang espasyo sa pagitan nila ng lalaki. Napatingala siya rito, mula sa kinatatayuan niya ay kaagad niyang naamoy ang mabangong amoy ng ginamit nitong sabon maging ang mabangong hininga nito.

Bumaba ang kanyang mga mata sa adam’s apple nito an nag-umpisa ng tumaas baba.

Sa halip na matakot ay dahan-dahang kumurba ang isang ngiti sa labi niya. “Gusto ko ng lumabas pero ayaw mo akong paalisin, don’t tell me Tito nahihiya ka lang aminin na interesado ka sa akin dahil sa nangyari sa atin kagabi?” panunukso niya rito.

…