234

"PAANO na si Tatay Marlon mo kung iiwan ko siya? Anak, malaki ang utang na loob ko sa kanya. Kung wala siya, baka matagal na akong sumuko… at baka wala ka ngayon, kasama ng totoong tatay mo," sabi ni Jena. Nangingilid ang luha sa kanyang mga mata, ngunit mas nangingibabaw ang takot, hindi para sa sarili kundi sa lalaking itinuring niyang tagapagligtas kahit ilang beses na siyang sinaktan nito.

Marahas na napabuntong-hininga si Jai. Mariing ipinikit ang mga mata, pilit nilulunok ang galit. Minsan, naiisip niya na parang pera lang ang dahilan kung bakit mahalaga siya sa kanyang ina. Para lang may maibigay itong pera sa lalaking palaging sumusugat sa pagkatao ng kanyang ina.

"Magbihis po kayo," malamig niyang sambit, hindi makatingin nang diretso sa ina.

"May kasama po ako, gusto ko po siyang ipakilala sa inyo. Takpan n’yo na lang po ang kamay n’yong may pasa."

Nanatiling tahimik si Jena. Para siyang binuhusan ng malamig na tubig sa narinig. Muling bumagsak ang tingin niya sa kam