Chapter 20

Simula umalis ako sa bahay namin ni Christine dahil sa nangyari napunta ako dito kay Javier dahil nalaman ko na nagbalik na siya. Nagkasundo kami noon simula na makilala ko siya bilang kapatid ni Christine, sinama ako sa mga gawain na hindi ko pa nagagawa sa buong buhay ko at tinuruan ako sa pakikipaglaban at sa paggamit ng baril. Sa kanya ko rin nakilala si Smael at ang pagkatao nito.

Kaya kilala ko ang pagkatao ni Smael at hindi ko naman inaasahan na siyang kasama ngayon ni Elisa, hindi ko man alam kung ano ang nangyari kay Elisa sa pagpunta niya dito sa Maynila. Dahil isa lang ang alam ko, hinahanap niya ako dahil hindi na ako nagparamdam ng ilang mga buwan.

Ngayon nakatayo ako dito sa harap ng babae na pinag-alayan ko ng mga pangarap at nilagay sa puso at isipan ko na siya lang ang babae na para sa akin. Lahat 'yun sa isang iglap ay nawala at dahil 'yun sa akin.

Hindi ko inaasahan ang aabutan ko sa silid kung saan kinulong ni Javier si Elisa, naratnan ko ang ginagawang pananakit