007

"JAV, kanina pa kami naghihintay ng Daddy mo sa'yo. Saan ka ba nagpunta pagkatapos ng work mo sa kompanya?" bungad na tanong ni Honeylet sa anak. Nilapitan siya ni Jav at hinalikan siya sa pisngi.

Gabing-gabi na umuwi ang anak. Hinihintay niya talaga ito dahil mayroon siyang importanteng sasabihin.

"Mom, pagod po ako. And you know that I'm with my friends, you know them all. Right?" walang ganang sagot ni Jav. Napagod siya kahahanap sa babaeng hindi nagpapatahimik sa kanya.

Binalikan nila ang hotel na nameet ni Jav ang babaeng naka-one night stand. Pero wala rin silang nakuhang impormasyon. Ayaw magbigay ng details ng mga guests ang hotel dahil bawal iyon sa protocol nila. Unless, it’s a matter of legal concern or mayroong police involvement, na wala naman silang maipresenta.

"Pasensya na po, sir. Confidential po ang records ng guests. Hindi po namin puwedeng i-disclose kahit kanino," matigas na sabi ng manager habang nakangiting pilit.

Napailing si Jav at tumalikod. Sumunod sina Lindrick at Kevin, na halatang disappointed na rin.

“Dude, sigurado ka bang dito sa hotel na 'to dinala mo ang babaeng 'yon?” tanong ni Kevin habang naglalakad sila palayo sa lobby.

“Yes. I remember this is the hotel. Dahil nasa basement lang ang bar na pinuntahan natin. Tandang-tanda ko rin ang mukha n’ya. At ako mismo ang nag-check in, di ba? Hindi ko lang nakuha ang buong pangalan niya,” sagot ni Jav na napabuntong-hininga. “I should’ve asked her. Pero ang bilis n’yang umalis pagkagising ko. Pagkatapos niya akong sampalin."

The three of them tried not to laugh, Jav got slapped by the woman he slept with. First time 'yon na may gumanti sa kaibigan nila after a one-night stand.

“Alam mo, bro, baka hindi mo na talaga siya makikita. Gano’n lang talaga ang ibang mgq babae, dadaan lang at iiwanan ka ng alala… tapos wala na,” pakunwaring malalim na sabi ni Lindrick, sabay tapik sa balikat ni Jav.

Ngunit hindi umimik si Jav. Lihim siyang kinabahan, hindi dahil sa pagkadismaya, kundi dahil sa kakaibang pakiramdam. Hindi niya alam kung bakit, pero parang hindi lang basta-basta babae ang naka-one night stand niya. May iniwan ito sa kanya, isang pakiramdam na para bang may dapat siyang alamin… o dapat siyang paghandaan.

"Jav, kinakausap kita... lumilipad na naman iyang utak mo sa kung saan!" Saad ni Honeylet na naiinis na sa iginagawi ng kanyang anak. Pansin niya na parati itong matamlay at tila laging malalim ang iniisip.

"Wala po talaga akong oras para makipagtalo ngayon, Mom. I'm so tired that I want to lay on my bed and sleep." Tila pagod na pagod na sabi ni Jav sa ina.

"Ewan ko ba sa'yo. Bibihira na tayong magkita, Jav. Tinatanong ka na ng Daddy mo sa akin. Importanteng-importante ang sasabihin namin sa'yo." Kastigo ni Honeylet.

Malalim na buntong-hininga si Jav. "Maybe can we talk about that tomorrow? Hindi ko na talaga kaya ang antok ko. I really want to sleep," nakikiusap na sad niya.

Dahil sa pansin ni Honeylet na pagod nga ang anak ay pinayagan na rin niya ito. Wala siyang magagawa kung hindi kayang makipag-usap ng masinsinan ni Jav ngayong gabi

"Alright. Pagbibigyan kita. Pero bukas pagkagising mo pumunta ka kaagad sa dining. Mas maganda na kaharap ang Daddy mo," bilin na lang ni Honeylet sa anak.

Bahagyang ngumiti si Jav. "Thanks, Mom. Promise, I will take breakfast tomorrow morning here before going to the office."

"Aasahan ko 'yan." Tugon ni Honeylet na ngumiti na rin. Nilapitan siya ni Jav at muling hinalikan sa pisngi.

"Goodnight, Mom..." sabi ni Jav sa ina saka tumalikod.

Inaayos ni Honeylet ang hapag. Kahit na may mga kasambahay sa mansyon, siya pa rin ang nag-aasikaso ng pagkain ng kanyang mag-ama. Nasa bahay lang siya, at tanging ang pag-aasikaso, at pag-aalaga sa mag-aama niya.

"Good morning, honey," malambing na bati ni Jason sa kanyang asawa nang makapasok ito sa dining area.

Nginitian ni Honeylet ang kanyang mahal na asawa. "Umupo ka na at nakahanda na ang mga pagkain."

Nagpalinga-linga si Jayson, tila mayroon siyang hinahanap. "Ang anak mo ba ay hindi umuwi kagabi?" Untag niya habang umuupo.

"Umuwi. Nakausap ko na siya, maghintay ka at dito kakain ang unico hijo mo."

"Hindi porket siya na ang namamahala ng kompanya ay wala na rin siyang oras para magpakita sa atin na magulang niya. Mas may panahon pa nga siya sa mga barkada niya at babae niya. Pagsabihan mo 'yang anak mo, Honeylet. Dahil kapag hindi na ako makapagtimpi ay babawiin ko ang Javinzi Enterprise sa kanya," litanyang babala ni Jason.

Nilapitan ni Honeylet ang asawa at minasa-masahe ang balikat nito. "Relax, hon. Masyado ka namang nagiging mainit ang ulo sa anak mo."

Napapikit si Jason ng kanyang mata. "Naiinis lang ako na tayong mga magulang niya ay hindi na siya nakikita rito sa mansyon. I need to tell him something."

Narinig ni Jav ang pahapyaw na salita ng kanyang ama habang papalapit sa mga ito.

"I'm here already, Mom, Dad..." sambit niya na at hinalikan ang ina sa pisngi, sumunod sa pisngi ng ama. Saka, umupo sa katapat na upuan ng kanyang ama.

Tila wala pakialam si Jav na nasa pinagmamasdan siya ng kanyang mga magulang, kumuha lang siya ng fried rice at inilagay sa kanyang pinggan. Kumuha rin siya ng itlog at bacon, na inilagay din niya sa kanyang pinggan. Nakasunod lang ang mga mata ng mag-asawang sina Honeylet at Jason sa anak.

"Parang gutom na gutom ka, Jav. Iyan kasi hindi ka na kumakain sa mansyon kaya parang nagugutuman ka na. Hindi healthy ang mga pagkain sa labas, anak..." usal ni Honeylet.

Tumango si Jav bilang pagsang-ayon sa kanyang ina. Karaniwang galing sa restaurant ang mga pagkaing dinadala niya sa opisina. Sa gabi naman, madalas silang nasa bar ng mga barkada niya. Bihira na rin siyang magpaluto ng mga pagkaing Pinoy.

"Dadalasan ko na pong mag-almusal dito sa mansyon, Mom. Thanks sa paalala," sambit niya.

"Jav, nagkausap kami ng Tito Dindo mo. We're planning to merge. Is that okay with you?" sabat ni Jason.

Napahinto si Jav sa pagnguya at napatunghay sa kanyang ama.

"You know I don't like your friend, Dindo Augustos. Noon pa man po, ayoko na siyang maging kasosyo sa negosyo..."

Hindi sa wala siyang tiwala sa mga Augustos, parati na lamang nilang ipinipilit ang dalagang anak nito sa kanya. At may posibilidad na kaya gustong makipagsosyo sa negosyo ni Dindo ay para muling ilapit ang anak nitong si Dindi sa kanya.

He hates women who try too hard to fit in with him.

Para sa kanya, desperation ang tawag doon. Ayaw niya ng babaeng ipinipilit ang sarili sa buhay niya, parang gusto lang mapansin o makuha ang atensyon niya kahit hindi naman sila bagay. Mas gusto niya 'yung natural lang, hindi naghahabol, hindi nagpapanggap, at marunong rumespeto ng espasyo.

"Let’s just try. Magaling na negosyante si Dindo, and Javinzi Enterprises will grow even bigger," giit ni Jason sa anak.

"No, Dad," mariing tugon ni Jav. "I said no. I don’t trust that man, and I’m not changing my mind just because you think it’s a smart move. Javinzi will grow without him."