Chapter 22

BUMALANDRA sa sahig ang dalaga. Sindak na napatingala sa lalaki habang dinadama ng kamay ang pisnging nasaktan. Agad na tumayo nang humakbang si Harley palapit.

"Kunwari ka pa na dinaig si maria clara sa pagiging mahinhin at ayaw ng premarital sex, iyon pala ay maghahanap ka lang ng mapera!" singhal nito.

"H-harley, nagkakamali ka ng akala."

"Nakisama ka kay David dahil mayaman siya 'di ba!"

"M-mahal... mahal ko si David, Harley. Hindi dahil may pera siya." Sa nanlalaking mga mata ay nakuhang mangatwiran ni Helaena. Hindi niya mapaniwalaang ito ang uri ng lalaking minsan ay minahal niya. At lalong hindi niya mapaniwalaang kaya siya nitong saktan siya.

Lalong nagdilim ang mukha ng lalaki. "Mahal? My ass! At isiping halos para akong sira-ulong laging nakikiusap sa iyong sumama ka sa akin sa motel. Magkano ang ibinayad ni David sa iyo, Helaena? "

"H-harley naman... please. Hindi ako binayaran ni David..." Napaatras siya nang humakbang ito palapit. Natatakot siya sa anyo nito. Akma siya