Chapter 21: Bigger Debt

Napayuko sina Melody at Melanie sa harapan ni Yanna matapos magsalita ni Doña Trinidad.

"We're so sorry to offend you in any way, Miss...?" plastic na pagpapakumbaba ni Melody. Sa kanyang loob-loob ay nagngingitngit ang kanyang kalooban. Hindi niya mapaniwalaan na ang kanyang kababata ay nabingwit ng isang plain na babae!

"Yanna. Yanna del Valle po," sagot naman ni Yanna habang nakangiti.

"Oh, del Valle? Kanino ka bang anak? What's their business pala?" sunod-sunod naman na tanong ni Melanie. Halata sa mukha nito ang panghahamak. Sa isipan ng ginang ay ilang beses na niyang napintasan ang hitsura ni Yanna. Paano ito naging manugang ng mga Dimarco? Masyado plain at walang breeding!

"Kailangan mo pa bang tanungin ang ganyan, Melanie? She's one of a kind! 'Yan lang ang dapat na malaman mo," pagsingit naman ni Doña Trinidad. Gusto niyang ipagtanggol at pagtakpan si Yanna hangga't maaari. Ayaw niya na tinatapak-tapakan lang ang kanyang manugang kung wala naman itong ginagawa upang kagalita