Kabanata 40

PAGTINGIN NI Aiha sa loob ay nakita niyang dumaan si Mang Kanor kaya ay tinawag niya ito.

"Manong Kanor!" tawag niya sa mama.

Nakilala siya ng lalaki agad kaya ay tumungo sa gate si Mang Kanor. Tinaasan ni Aiha ng kilay ang bagong guwardiya na ayaw siyang papasukin dahil hindi raw siya kilala nito.

"Kanor, hindi ko kasi kilala ang babaeng iyan kaya hindi ko siya pinagbuksan ng gate. Kanina pa niya ako kinukulit na papasukin ko raw siya. Sino ba ito?" tanong ng guwardiya.

Huminga nang malalim si Aiha. Ngayon ay kay Mang Kanor na naman siya tumitig. Halos isang oras na siyang pinaghintay ng guwardiya. Sinabihan na nga niya ito kanina na tawagin si Weiss dahil kakilala niya ito pero hindi naniwala ang guwardiya. Lumabas na ang mga ugat niya kanina habang pinapaliwanag niya sa guwardiya ang katayuan niya sa kasal ni Weiss pero hindi pa rin siya pinapasok ng guwardiya. Ang rason nito ay walang sinabi sa kaniya ang mga amo niya na may darating na handler ng kasal.

"Mang Kanor, kanina pa a