UMUNAT SI Aiha. Minulat niya ang kaniyang mga mata. Umahon siya bigla at inayos ang kaniyang sarili. Huminga siya ng malalim nang natauhan siya. Wala siya sa kaniyang silid. Nasa silid siya ng kaniyang amo."Kamote ka, Aiha!" anas niya. "Kapag malaman ito ng Mamang mo ay patay ka talaga. Bakit ka nakipag-inuman sa amo mo?" wika niyang mag-isa sa loob ng silid ng amo niya. Napakamot siya sa kaniyang ulo nang bigla siyang nakarinig ng pagkatok. Humakbang siya ng may pagdadalawang-isip papunta sa pintuan. Muling kumatok ang tao sa labas ng silid ni Weiss. "What the heck are you doing, Weiss!? Buksan mo ang pintuan! Bullshit, P're!" sigaw ng lalaki mula sa labas.Inisip niyang baka kaaway ng amo niya ang lalaki sa labas. Sa halip na buksan ang pintuan ay tumungo s'ya sa banyo. Kumatok siya ng kumatok. "Aya, is that you!?" pasigaw na tanong ng amo niya. "Oo, Lord Weiss.""Buti naman at gising ka na. Akala ko wala ka ng planong gumising pa," supladong sabi ng amo niya. "By the way, what
TUWANG-TUWA si Aiha papasok sa mansion. Maya't maya kasi ay papasok na siya sa paaralan. Matagal-tagal na panahon na rin kasi ang lumipas noong huli niyang pagtapak sa paaralan. Panibagong yugto na rin ito ng kaniyang buhay. May makikilala siyang mga bagong tao na tiyak ay magiging kaibigan niya. "Aiha, nag-away na naman kayo?" tanong ni Aling Belen. "Hinahanap ka niyan kanina. Tapos pagdating niya ay galit na galit siya. Parang may sanib ng demonyo. Nagtago nga ang iba kanina dahil baka mapagbuntungan ng galit niya. Ano ba kasi ang nangyari?" usisa pa ng ginang. Huminga ng malalim si Aiha. Pakiwari niya ay wala naman talaga siyang ginawa sa amo niya. Sinabihan niya lang ito kanina na kung ayaw niya sa palengke edi umalis na siya."Pinilit niya akong mag-mall, Manang. Tapos nandiri pa siya sa palengke kanina. Sumuka siya ng sumuka dahil nakita niya ang sitwasyon ng mga trabahante roon. Nakakainis siya. Kung gusto niya sa malinis edi doon siya sa malinis. Ayaw ko sa mga metikuluso.
NAWALA SA isip niya ang mga tao sa paligid. Alam niya naman na nagtatawanan sila dahil ito ang unang araw ng pasukan. Tulad ng pinlano ay pinagpatuloy ni Aiha ang kurso niyang may kaugnayan sa Entrepreneurship. Nakaupo siya sa unahan. Simula kasi noong elementarya siya ay gustung-gusto niya ang pag-upo sa harap. Mas marami kasi siyang natututuhan kumpara kung sa likod siya umuupo. Bukod dito ay ayaw ni Aiha ng maraming distruksiyon. Hindi rin siya masyadong matangkad na makita ang taong nagsasalita sa harapan at kung may nakasulat man sa pisara. "Miss?" dinig niyang tawag ng instructor nila. Nakatulala lang siya at iniisip ang sinabi ng lalaking 'yon. Bakit naman kasi siya magseselos? Hayop talaga siya! Hindi na tuloy alam ni Aiha kung ano ang gagawin niya. Ayaw niya ng distruksiyon pero kanina pa pala siya inalipin nito. Wala na siyang alam kun'di ang tumunganga. Ilang beses niya ng sinubukang alisin ang mga salitang sinabi ni Weiss pero nasawi lamang siya. Sa halip na maalis nga
LUMALABAS LANG si Aiha sa kaniyang silid kapag alam niyang wala sa mansion ang kaniyang amo. At saka lang din siya maglilinis sa kwarto ng amo niya kapag nakaalis na ito. Ayaw niyang makita ang pagmumukha ng amo niyang iyon. Isang malaking insulto para kay Aiha ang pagsabihan siya ng mga salitang hindi naman nararapat para sa kaniya. Pinagkaitan na nga siya ng kaibigan sa probinsiya, tapos pati rito ay kinokontrol din siya ng amo niya na makipag-kaibigan. Nagpapahatid si Aiha minsan sa Andromeda para linisin ang opisina ng amo niya, ginagawa niya rin ito kapag nasa mansion ang amo niya. Kapag pumapasok naman si Aiha ay hindi na siya nagpapahatid at sundo kay Weiss. Sa halip na ang amo niya ang maghahatid at sundo sa kaniya ay si Mang Kanor na. "Wala si Lord Weiss?" halos pabulong na tanong ni Aiha kay Aling Belen. Lumapit sa kaniya ang mayordoma. "Kumain ka na, Aiha. Ilang araw ka lang nagkakaganiyan pero nangangayayat ka na," sabi ng mayordoma at hindi sinagot ang tanong ni Aih
INAARAL NI Aiha ang galaw ng kaniyang amo. Hindi kasi mapakali ang lalaki. Kanina ang sabi niya ay aayusin niya lang ang kaniyang suot upang makaalis na ito patungo sa trabaho. "Akala ko ay aalis ka?"Tumigil sa paglalakad ang amo niya at tinitigan siya nito. Umirap si Weiss na parang babae kaya ay halos matawa si Aiha. "Akala ko magtatrabaho ka? Malapit na kayang kumalahating araw, Lord Weiss.""Bakit ba gusto mo akong umalis, Aya?" Naningkit ang mga mata ng amo niya. Humakbang papalapit sa kaniya ang lalaki kaya ay tumayo na siya agad at hinablot niya ang kaniyang bag. "Lord Weiss, padaan po. Kung ayaw mong magtrabaho ay bahala ka. Pero, ako po? Gusto ko pong mag-aral," sabi ni Aiha sa kaniyang amo na nakaharang sa dadaanan niya. Tiningnan siya ni Weiss mula paa hanggang ulo at pabalik. Umismid si Aiha dahil sa titig ni Weiss. "Mamaya pang 4PM ang klase mo, Aya. Bakit ba nagmamadali ka?" walang emosyong tanong ng kaniyang amo. Umiling si Aiha at agad niyang iniwasan ang kaniy
NASA PARK si Aiha. Tapos na ang proyekto nila ni Joseph. Gusto siyang isama ng kaibigan niya sa bahay nito subalit ay tumangggi siya. Gusto niya kasing mapag-isa. Gusto niyang lumanghap ng sariwang hangin dahil pakiramdam niya ay masyado nang marumi ang hanging nalalanghap niya sa tabi ni Weiss. Malinis sa katawan ang amo niya pero parang ang dumi na ng ugali nito. Napasinghap si Aiha habang dinuduyan-duyan niya ang sarili. Kinabit niya ang kaniyang earphones at agad na nagpatugtog. Kahit papaano ay gumaan ang pakiramdam niya. Habang siya ay nakapikit ay bigla na lang tumigil ang duyan. Puwersang binuksan ni Aiha ang kaniyang mga mata at tumingala siya sa lalaking pumigil sa duyan. "Ano ang ginagawa mo rito?" tanong ng lalaki. Tumayo si Aiha at agad niyang hinarap ang amo niya. "Lumalanghap ng sariwang hangin. Kaso, bigla na lang naging amoy bulok ang hanging nalalanghap ko dahil nasa paligid pala ang masangsang na bagyo," sabi ni Aiha. Umalis siya at hindi na siya lumingon-ling
TUMITIG SI Aiha sa kaniyang amo na walang ibang ginagawa kun’di maglagay ng alkolol sa kamay matapos ang ilang segundo. Umiling si Aiha."Wala ka bang tiwala sa mga trabahante mo?" tanong niya sa amo. "Do your thing," supladong sabi ng amo niya. "Your thing is—""What!?" tanong ng amo niya. "W-Wala! Sabi ko nga na, I will do my thing now." Sa tingin ni Aiha ay may hula na ang amo niya sa mga bagay na sinasabi niya. Ayaw niya man banggitin at gusto niyang kalimutan ang bagay na iyon ay bigla na lang siyang binabagsak ng mga tulak ng kaniyang matabil na dila. "Nakaka-sense na ako, Aya," sabi na lamang ng amo niya. Kumanta-kanta si Aiha upang kunwa'y hindi niya naririnig ang sinabi ng kaniyang amo. "Someone to love me," kanta ni Aiha. Lumapit sa kaniya ang amo niya. "Control your voice, Aya.""Someone to hold me, the way that you dooooooo!""Aya, please!"Tinaasan niya ng kabilang kilay ang amo niya. "Sabi mo, do your thing. Pakialamero ka na naman, Lord Weiss," anang Aiha. Umi
NAKAUPO SA tabi si Weiss. Natapos niya nang kumustahin ang mga taong dumalo sa kaniyang party. Isang tao ang may pinakamalaking ambag sa Andromeda at ang tao na iyon ay si Varix Davieneda. Davieneda's are one of the richest clan in town, maging sa ibayo ay kilala ang angkan nila. Napag-sabihan din si Weiss na marapat lamang na ayusin ang trato sa Pamilyang Davieneda. "Mister Fortalejo." Tumayo si Weiss at nilahad niya ang kamay niya. Tinanggap ng asawa ni Varix ang kamay ni Weiss at nakipagkamay ito sa kaniya. "You got a beautiful wife, Mister Davieneda!" sabi ni Weiss patingin kay Varix. "Pleasure to meet you, Madame Davieneda!" Tumingin siya sa ginang. "Pleasure to meet you, Mister Fortalejo." Binawi ng ginang ang kamay niya. "I am so sorry for being late, hindi na tuloy namin naabutan ang speech mo," sabi pa nito. "Nothing to worry about.""Sasamahan ko muna itong si Barbara sa mga kaibigan namin, Mister Fortalejo. Excuse us," sabi ni Varix. Tumango si Weiss. "Sige. Enjoy th