CHAPTER 16

REGINALD DAEWOON...

"Goldy?" gulat na tawag n'ya sa pangalan ng babae ng makilala n'ya ito. Imbes na magulat ito ay nginisihan lamang s'ya ng babae at tinapik sa braso.

"Hoy dugo, anong ginagawa mo rito?"

"Anong dugo? At bakit ako ang tinatanong mo? Hindi ba dapat ay ikaw ang tinatanong ko n'yan?" sita n'ya sa babae.

"Red ka di ba? So, ang dugo ay kulay pula kaya dugo ang itatawag ko sayo," nakangising sagot nito sa kan'ya.

"Eh kung tawagin din kaya kitang tae? Goldy ang pangalan mo di ba? At ang tae minsan ay kulay gold din lalo pa kung nakakain ka ng bulok na pagkain," pabalang na sagot n'ya rito. Sinamaan s'ya nito ng tingin bago tinalikuran ngunit hindi pa ito nakakalayo sa kan'ya ay sunod-sunod na putok ang maririnig sa buong lugar kaya mabilis n'yang hinablot si Goldy at nagtago sa isang pader.

"Shit! Kailangan nating makaalis dito at baka madamay pa tayo," sabi n'ya habang hawak-hawak ang kamay ng babae.

"Mauna ka na, iwan mo na ako dito," sagot ng dalaga sabay baklas ng kama