Tatlong mahina at sunod-sunod na katok ang pinakawalan ni Adrielle bago niya dahan-dahang itinulak ang pinto ng silid na kinaroroonan ni Crimson. May sariling maliit na hospital ang Octagon na naroon lang din sa ekta-ektaryang lupa ng ama nilang si Lion Guerrero. Magkahiwalay ang silid na ginagamit nina Crimson at Kimhan na parehong naka-confine sa hospital maging si Bob.Sumilip muna sa loob si Adrielle bago tuluyang pumasok nang makitang gising si Crimson. Nakasandal ito sa pinagpatong-patong na unan habang nakapatong sa bandang tiyan ang laptop nito. Kaagad na nalukot ang mukha niya dahil sa kanyang nakita."Hey," malambot ang tinig na bati ni Adrielle kay Crimson na kaagad na nag-angat ng paningin nang marinig ang kanyang boses. Mula sa monitor ng kaharap na laptop ay tumutok ang mga mata nito sa kanya. Isang malawak na ngiti ang kaagad na gumuhit mula sa mga labi nito bago hinubad ang suot na salamin."El," nakangiting usal ni Crimson kay Adrielle. "Come," aniya rito na bahagya pa
MULA sa silid ni Crimson ay sambakol ang mukhang tumuloy si Adrielle sa kuwarto na ginagamit ni Kimhan. Halos magkatabi lang naman ang dalawang silid kaya kaagad din siyang nakalipat. Salubong ang mga kilay na itinulak niya ang pinto, ni hindi na siya nag-abalang kumatok.Mula sa binabasang libro ay nag-angat naman ng paningin si Kimhan at kaagad na salitang umalsa ang mga kilay nang makita ang anyo ng bunsong kapatid. Mukhang anumang sandali ay maghahamon na ito ng away. "What's up?" tanong ni Kimhan kay Adrielle pagkaraang maipatong sa katabing maliit na mesa ang hawak na libro. "Bakit para kang makikipagdigma? Nasaan ang giyera?" dugtong pa niya.Umikot ang mga mata ni Adrielle paitaas bago sinulyapan ang bahagi ng katawan ni Kimhan na may tama ng baril. Oo, kahit may tama ito ng baril sa tagiliran dahil pinag-initan ito ng isang Russian na kasama ng dapat ay ka-deal nito pero nagawa pa rin nitong makipagbarilan sa mga kalaban nang dumating sila sa lumang gusali."Thank God, buh
MAHIGIT dalawang linggo na rin ang matuling lumipas at kahit paano ay maayos na rin ang pakiramdam ni Cougar. Ilang araw lang din naman kasi ang itinagal niya sa hospital ng Octagon. Bukod kasi sa hindi siya sanay na nagtatagal sa loob ng isang hospital ay kailangan pa niyang mag-report kay General Gallego tungkol sa nangyari. At kanina lang ay kaagad siyang nakatanggap ng tawag mula sa dating deputy director. Tinatanong siya nito kung kailan ang susunod na transaction ng mga Guerrero pero dahil sa sunod-sunod na pagkaka-bulilyaso ng mga deal ng Octagon ay dama niya ang biglaang pag-lie low ng mga ito. Kung mayroon mang naka-planong gawain ay tanging ang mga matatagal nang tauhan ni Señor Lion ang nakaka-alam.Dumukot ng sigarilyo si Cougar mula sa hawak niyang pakete at sinindihan iyon gamit ang lighter. Ilang ulit siyang gumithit ng usok pagkuwa'y paunti-untii iyong pinakawalan sa hangin. Pasado alas-singko na rin ng hapon at kasalukuyan siyang nasa ilalim ng punong kaimito at nagpa
INFANTA, QUEZON POLICE STATIONKabadong tinapik-tapik ng Chief of Police na si Alfonso Lorenzo ang gilid ng kanyang mesa habang nakatanaw sa labas ng bintana ng kanyang opisina na nasa ikalawang palapag ng police station ng Infanta. Nakaharap sa isang bahagi ng parking area ang kanyang opisina kaya kitang-kita niya ang pamilyar na kulay itim na pick-up truck na pumarada sa ilalim ng punong mangga. Alam niyang sinadya ng driver niyon na doon mag-park. Marami pang space sa parking lot dahil week-end kaya wala gaanong tao at mga sasakyan.Nakarinig ng dalawang magkakasunod na katok mula sa pinto si Chief Lorenzo kaya bahagya siyang napapitlag."Tuloy," aniyang ang mga mata ay hindi pa rin inaalis sa labas ng bintana.Bumukas ang pinto sa driver's side ng pick-up at mula roon ay bumababa ang lalaking kahit may kalayuan ay alam ni Chief Lorenzo na seryoso ang anyo nito. Mas lalo tuloy nadoble ang kaba sa kanyang dibdib. Kumunot ang noo niya nang makitang bumukas maging ang pinto ng pick-up
APOLO HOTEL, ERMITA MANILAKasalukuyang nasa pavilion ng hotel ang sampong bodyguards na kasama ni Adrielle para sa misyon na ibinigay sa kanila ng amang si Lion. At kasama sa mga ito si Cougar na tahimik lang na nakaupo sa kabilang dulo ng mahabang mesa kung saan sila nagtanghalian. Nakaharap sa malaking swimming pool ang pavilion kaya tanaw na tanaw nila ang ilang guest ng hotel na naliligo. Kasama rin sa misyon ang dalawa pang kapatid ni Adrielle na sina August at Kimhan."Ito ang unang beses na makakasama ko ang Young Miss sa isang misyon. Medyo kabado ako," ang sabi ni Kian, isa sa personal bodyguard ni August. Bakas sa mukha nito ang kaba na may halong excitement."Ikaw lang ba?" sagot ni Cresent bago ibinuga ang usok na nasa loob ng kanyang diibdib. "Ako rin naman," ani pa ng lalaki saka idinutdot ang hawak na sigarilyo sa hugis bungo ng tao na ashtray Napatango ang ilan pang naroon bago tila iisa ang ulo na ibinaling ang pansin sa tahimik lang na si Brixx, ang head bodyguard n
NAPATIGIL sa pag-nguya ng hawak na hita ng manok ang lalaking nakaharap sa mga CCTV monitor nang biglang bumukas ang pinto na nasa bandang kaliwa ng may kalakihang monitoring room ng Sapphire Hotel. Napatingin din ang ilan pang mga kasama nito sa babaeng nakasuot ng maskara na nakatayo sa bugad ng pinto."Hi," bati ni Adrielle sa mga ito habang ang mga matang nakalitaw mula sa suot niyang maskara ay nakatutok sa matabang lalaki na kasalukuyang nakatingin din sa kanya at nakakunot ang noo.Bahagyang napangiwi si Adrielle nang makita ang isang buong litsong manok na nakapatong sa gilid ng mesa ng lalaki. Nangangalahati na lamang iyon at kaagad din niyang napansin na bukod-tanging ito lamang ang kumakain doon."Miss, bawal ka rito," sita ng lalaki na masungit na nakatingin kay Adrielle bago kumagat sa hawak nitong hita ng manok."Ah, hinahanap ko kasi ang CR but since I'm already—" naputol ang sasabihin ni Adrielle nang muling magsalita ang matabang lalaki."Tatawag na lang kami ng secur
NANG tuluyang bumukas ang elevator ay mabilis na lumabas sina Adrielle, Kimhan at Cougar."Fuckin' head dress!" napipikong usal ni Adrielle na sandaling tumigil sa paglalakad. Pahiklas niyang hinila ang inilagay na palamuti ni Adela sa buhok niya nang ayusan siya ng babae kaninang bago sila pumunta sa Sapphire Hotel. Wala siyang pakialam kahit nagmukha siyang bruha dahil sa nagtitikwasang buhok na nagulo nang matanggal ang headband clip neat na nakakabit doon.Si Cougar naman ay mabilis na sumakay sa itim na kotseng dala ni Russet kasama sina Brixx, Kian, at iba pang bodyguard. "Hurry!" sigaw ni Azure na nakasilip sa nakabukas na bintana ng dala nitong sasakyan"Where's Aug?" Tanong ni Adrielle nang mapansing wala pa roon ang nakatatanda nilang kapatid. "He should be here by now—"Napatigil sa pagsasalita si Adrielle nang bumukas ang elevator sa bandang kaliwa at mula roon ay iniluwa si August habang nasa likuran naman nito si Cresent na kaagad na humiwalay at nagmamadaling tinungo
ALAS NUEBE nang umaga sa isang private resort sa Nasugbu, Batangas. Hindi na tumuloy ang grupo ni Adrielle sa Apolo Hotel kagabi para masigurong hindi sila masususndan doon ng mga taga-NBI at PDEA. Doon na sila tumuloy ayon na rin sa instruction ng head bodyguard ng Daddy nila na si Emman.Isang malalim na buntong-hininga ang pinakawalan ni Cougar bago siya tuluyang kumatok sa pinto ng cottage na tinutuluyan ni Adrielle. Hindi na sila nagkita ng babae kagabi pagdating ng mga ito dahil inutusan siya ni Russet na bumili ng beer at magpagasolina ng sasakyan dahil nakalimutan nito noong mapadaan sila sa isang gasolinahan. Pagbalik naman niya ay naroon na sa cottage nito ang babae at ang sabi sa kanya ni Kimhan ay ibigay daw niya kay Adrielle ang briefcase na inabot sa kanya ng babae habang nasa kalagitnaan sila ng kaguluhan.Habang nagpapa-gas kagabi ay sinamantala din niya ang pagkakataon na tawagan si General Gallego. Hindi niya kasi ini-expect na magpapadala kaagad ito ng mga agents sa