Simula

Ang mga mata ni Terrence ay punong-puno ng emosyon habang nakatingin sa kaniya. Humakbang ito palapit at wala siyang nagawa kundi ang mapaatras habang malakas ang kabog ng dibdib. 

“That night, it was you right? You are that girl.” he said in a low voice. It is not a question but a statement.

Sunod-sunod ang naging paglunok niya hanggang sa tuluyang tumama ang likod niya sa pader. Iniharang nito ang mga kamay sa magkabilang gilid niya— kinulong siya. Napuno ng pagkataranta ang buong pagkatao niya.

“Wh-what are you saying?” nauutal at sinusubukan niyang labanan ang matinding kaba na bumalot sa buong sistema niya.

Naningkit ang mga mata nito at pagkatapos ay bumaba ang mga mata sa kanyang labi bago itinaas ang kamay at hinaplos ang nakaawang niyang labi dahilan para manuyo bigla ang bibig at lalamunan niya.

“What am I saying?” ulit nitong tanong sa kaniya bago dahan-dahang ibinalik ang tingin sa kanyang mga mata. “I know it's you, it’s always been you.” bulong nito bago tuluyang bumaba ang mukha at sinakop ang mga labi niya.

—

Nakatitig pa rin si Kayena sa kanyang cellphone. Ilang beses na niyang binasa ang mensahe na galing sa kanyang ama. 

“Umuwi ka ngayon din kung gusto mo pang makitang buhay ang nanay mo.” 

Naging malamig ang kanyang mga mata. Mas pinili nito ang kabit nito kaysa sa kanyang ina na sinamahan siya noong walang-wala pa ito. Sa halip na pagmamahal ang matanggap ng kanyang ina mula rito ay isang divorce agreement ang ibinigay ng kanyang ama.

Hindi naman nakipag-away o ni tumutol ang kanyang ina sa kagustuhan ng kanyang ama na makipaghiwalay sa halip ay buong puso nitong tinanggap iyon at umalis sito sa buhay nito ng walang kahit na anumang dala. 

Pagkatapos niya lang matanggap ang mensaheng iyon ay hindi na niya muling matawagan pa ang kanyang ina kahit na ilang beses na niyang sinubukan. Sa sobrang pag-aalala niya rito ay wala na siyang nagawa pa kundi ang sumunod sa gusto ng kanyang ama. Sumakay siya ng eroplano na ito rin ang nag-ayos para sa kaniya. 

“May problema ba Kayena? Kanina ka pa tahimik.” sabi ng kanyang kaibigan na si Ingrid na nakaupo sa tabi niya. Hindi niya namalayan na lumilipad na pala ang isip niya ng mga oras na iyon.

Mabilis niyang itinago ang kanyang cellphone at marahang umiling dito. Ayaw niyang idamay ito sa problema niya. Marahan siyang ngumiti. “Wa-wala naman.” mabilis na sagot niya at pagkatapos ay tumayo. “Pupunta muna ako sa banyo.”

Akmang hahakbang na sana siya nang biglang hawakan nito ang kamay niya kaya puno siya ng pagtatakang napalingon dito. Inabot nito sa kaniya ang makeup bago nito. “Ayusin mo ang sarili mo sa banyo. Matagal pa naman bago lumapag ang eroplano. Ayokong kapag nakita ka ng iyong ama ay kung ano-ano na namang pintas ang gawin niya sayo.” sabi nito sa kaniya na may pag-aalalang titig.

Nagulat man siya ay kinuha niya pa rin ang bag na inaabot nito. Alam niyang nag-aalala lang ito sa kaniya kaya marahan siyang ngumiti. “Salamat Ingrid.” 

Aalis na sana siya nang muli niyang marinig ang boses nito. “Siya nga pala, huwag kang pumunta kung saan-saan okay? Narinig ko mula sa isang flight attendant na may isang mahalagang tao ang nag-book ng business class. Hindi mo naman siguro gugustuhing magkaproblema hindi ba?” paalala nito sa kaniya.

Tumango na lang siya rito at naglakad na paalis para pumunta sa banyo. Habang naglalakad ay eksakto niyang nakasabay ang isang flight attendant kung saan ay may dala itong mga inumin kaya hindi na siya nagdalawang isip pa na kumuha ng isang baso. Gusto niyang kalmahin ang nararamdaman niya. Hindi nagtagal ay tuluyan na siyang pumasok sa banyo at ininom niya kaagad ang alak. 

Dahil hindi naman siya ganun kasanay na uminom ng alak ay kaagad na namula ang kanyang mga pisngi kasabay ng paghagod ng mainit na likido sa kanyang lalamunan patungo sa kanyang tiyan na halos ikapikit niya ng mariin. Isang buntong hininga ang pinakawalan niya at dahan-dahang humarap sa salamin at binuksan ang dala niyang bag. 

Biglang nagkaroon ng turbulence ang eroplano dahilan para mahulog ang dala niyang bag at nagkalaglagan ang mga laman nito. Dali-dali siyang yumuk at pinulot ang laman ng bag. Nailagay na niya ang lahat sa bag ngunit nakita niyang may naiwan pa, ang employee badge ni Ingrid sa pinasukan nitong kumpanya sa ibang bansa kung saan din ito nag intern. 

Matalino ito kaya palagi niya itong hinahangaan. Muli siyang yumuko upang pulutin sana ito ngunit bigla na lang naging malabo ang kanyang mga mata at sumakit ang ulo niya. Ilang sandali pa ay bigla na lang namatay ang ilaw sa loob ng banyo. Sa sumunod na sandali ay bumukas ang pinto. 

Namilog ang kanyang mga mata ng isang pigura ang lumapit sa kaniya at bigla siyang isinandal sa dingding ng banyo. “A-anong ginagawa mo? Bakit—” hindi niya nagawang tapusin ang kanyang tanong ng bigla na lang nitong takpan ang kanyang bibig. 

Kahit na madilim sa loob ng banyo ay hindi iyon naging hadlang para hindi makita ni Kayena ang maiitim na mga mata ng lalaking nakatitig sa kaniya. “I will pay you.” paos na bulong nito sa kaniya at bago pa siya makasagot ay binitawan din nito ang kanyang bibig ngunit sa halip ay ang labi naman nito ang tumakip sa mga ito. 

Ang init ng labi nito at wala siyang ibang naisip kung hindi ang itulak ito dahil hindi niya ito kilala at higit sa lahat ay hindi tama na halikan siya nito. Sinubukan niya itong itulak ngunit mariin na nakayakap sa beywang niya ang kamay nito. Biglang nagliwanag ang cellphone niya na ibinaba niya sa lababo.

Akala niya ay titigil na ito sa ginagawa ngunit mas lalo lang nitong diniinan ang paghalik sa kaniya hanggang sa tuluyan ng namatay ang ilaw ng cellphone niya. Ang kamay nito ay gumapang patungo sa kanyang pang-upo hanggang sa tuluyan na siya nitong buhatin. Ang mga labi nito ay gumalaw at bahagyang tinutukso siya. Marahil dala ng alak na ininom niya ay kakaibang init ang unti-unting bumalot sa kaniya. 

Tila ba may sariling isip ang kanyang mga labi at bigla na lang gumalaw at sinagot ang bawat kibot ng labi ng lalaking nasa harapan niya hanggang sa halos mablangko siya. Bumalik na lang ang katinuan niya ng halos mangatog ang tuhod niya. Rinig niya ang mabibigat na paghinga ng lalaki sa likod niya. 

Wala siyang ideya kung anong nangyari ngunit naramdaman niya ang panankit sa pagitan ng kanyang mga hita. Bago pa siya tuluyang matauhan ay isang anunsyo ang narinig niya na nagsasabing malapit na raw lumapag ang eroplano at pinapabalik na ang lahat sa kanilang mga upuan. 

Doon lang siya natauhan. Mabilis niyang itinaas ang kanyang panty at kinuha ang bag maging ang kanyang cellphone. Naramdaman niya pa na gusto pa siyang hilahin ulit ng lalaki sa likod niya ngunit mabilis niya itong itinulak bago nagmamadaling lumabas ng banyo. Wala siyang ideya kung gaano siya katagal nanatili sa loob. Hindi niya alam. 

Napalunok lang si Kayena at huminga ng malalim bago inayos ang kanyang bestida. Hindi niya akalain na magagawa niya ang bagay na iyon sa eroplano at kasama pa ang isang estranghero! Nakakahiya!