CHAPTER 2.2

SKY'S POV

Nakagat ko ang pang-ibaba kong labi habang pilit na pinipilang tumulo ang aking mga luha. Arogante ang lalaking kaharap ko ngayon. Ibang iba sa ugaling naipakita niya sa akin noong una kaming magkita sa mall. Ayos lang naman sa akin kung hindi namin ituring na asawa ang isa't isa pero huwag naman sana siyang umasta na arogante sa harap ko.

"What the hell took you so long? Tsk! Really, woman?!" Nakahalukipkip na singhal nito habang naka-upo sa backseat ng kaniyang magarang sasakyan nang makasunod ako't makababa ako sa parking lot.

Yumuko ako bago nagsalita, "P-pasensya na."

"As if your sorry can change everything, tsk! Hop in, stupid." Aniya na siyang naging senyales sa akin para buksan ang kanang pintuan ng backseat.

Tahimik na nagmaneho ang driver at gano'n din kami ni Mr. Alejo. Walang ni isang sumubok na magsalita sa amin. I really feel uncomfortable with his presence but I have no choice but to get used to his presence.

Hindi ko alam pero parang ilang oras ang lumipas bago namin tuluyang narating ang mansyon ni Mr. Alejo. Marahil ay sa sobrang pag-aantay na makarating kami kaya gano'n. Nang mai-park ang kotse sa malawak na parking lot ni Mr. Alejo ay dali dali siyang lumabas na hindi manlang nag-abalang tapunan ako ng tingin. Hindi naman ako nag-expect na pagbubuksan niya ako ng pinto dahil wala naman talagang gumagawa sa akin no'n dati pa pero 'yong ginawa niya. 'Yong hindi niya pag-pansin o pag-ngiti manlang sa akin ang siyang pinag-aalala ko.

Hindi ko rin naman gusto ang ganitong set-up. Ni hindi ko nga gusto ang ikasal sa kaniya kaya okay lang sa akin kung tratuhin namin ang isa't isa bilang normal na magkaibigan hindi 'yong ang lamig ng pakikitungo niya.

"Magandang hapon ho, Mrs. Alejo! Ako si Mika!" Nakangiting bati sa akin ng kasambahay niya.

Kung titignan ay halos magkasing-edad lang kami. Ngumiti ako sa kaniya ng pagkalawak-lawak at nagsalita rin upang batiin siya. "Hello! Naku! Kahit Sky na lang ang itawag mo sa akin."

She giggled and even covered her hands on her mouth before she spoke, "Gano'n ba? Sige Sky! Akin na ang iba mong mga gamit upang i-akyat sa kuwarto niyo ni Sir Yashvin." Sabi nito at tinulungan ako sa mga gamit ko.

Agad na nanlaki ang aking mga mata dahil sa sinabi niya. Ano?! Magsasama kami ni Mr. Alejo sa isang kuwarto?! Hindi pa ako handa!

"Hmm, M-mika? M-may mga guest room naman dito, hindi ba?" Naiilang na tanong ko.

Kita ko ang pagkunot ng kaniyang noo nang itanong ko 'yon. Kahit sino naman ay maguguluhan o 'di kaya'y magugulat. Dahil bagong kasal kami ng amo niya pero guest room ang hinahanap ko imbis na ang direksyon papunta sa kuwarto ng kaniyang amo.

"Yes, there are. Mika and Rhea, help that woman bring her things on one of the guest rooms upstairs." Agad kaming napalingon ni Mika sa hagdan nang marinig namin si Mr. Alejo na nagsalita. Ni hindi ko nga napansin 'yong Rhea kung saan lumabas dahil abala ako sa pagtatanong kay Mika.

"Aye aye, sir!" Nakangiting sagot ni Mika na tila walang naramdamang tensyon.

Agad din namang sumunod si Rhea na siyang naging dahilan ng pagsunod ko sa kanila dala dala ang iba ko pang mga gamit. "Bad mood si, sir." Nakangusong wika ni Rhea.

"Kaya nga eh! Ikaw kasi Sky. Nakita mo ng bagong kasal kayo tapos ni hindi mo manlang pina-iskor! Talagang guest room agad ang hinanap mo. Naku!" Iiling-iling na bulong ni Mika.

Score?! Anong score?! Oo mag-asawa kami pero hindi ko siya mahal! Isusuko ko lang ang bataan sa taong mahal ko at mahal ako na kung saan ay handa akong agawin sa arogante na lalaking 'to upang pakasalan. Tsk!

"Ewan ko sa 'yo, Mika! Hindi pa ako handa sa ganyang bagay. Marami pa akong mga pangarap na gustong gawin at tuparin." Nakangiting sagot ko.

Dahil siguro sa pag-uusap naming tatlo ay hindi ko na namalayang nakarating na pala kami sa tapat ng pinto ng guest room. Napakaganda ng mansyon. Mukhang hindi basta basta ang mga materyales na ginamit at napakamamahalin ng mga muwebles. Nakakatakot madumihan at masira dahil paniguradong magbabayad ng mahal.

"Nandito na tayo. Gusto mong tulungan ka naming mag-ayos ng mga gamit mo?" Nakangiting suhestiyon ni Mika dahilan para agad akong umiling. "Ayos lang ako. Sige na, gawin niyo na ang mga kailangan niyong gawin baka pati kayo sungitan ng amo niyo." Dagdag ko.

Ayaw ko naman na pati sila ay pagalitan ng aroganteng 'yon. Hindi na lang sana siya pumayag na makasal sa akin para masaya ang buhay naming dalawa. Kung tutuusin kasi ay mas kaya niyang tumanggi dahil makapangyarihan siya pero kabaliktaran ang ginawa niya. Mas pinili niya 'yong pinaka-tanga na opsyon.

"Ayos lang 'yon, ano ka ba! Mabait 'yon si sir. Baka stress lang 'yon sa trabaho kaya mainit ang ulo. Oh siya! Maiiwan ka na muna namin at tatapusin muna namin 'yong ginagawa namin. Mamaya aakyat kami para tulungan ka at ilibot dito sa mansyon." Anang Rhea kaya agad naman akong ngumiti at nagpasalamat sa kanilang dalawa.

Nang makaalis sila ay bumuntong hininga ako at lumapit sa dalawang maleta at bag ko pagkatapos ay isa isang pinasok ang mga gamit ko sa guest room. Nang maipasok ko ang aking mga gamit ay agad akong naligo't nagbihis. After taking a bath and wearing a comfortable clothes, I started hanging and fixing my clothes inside the cabinet and organizing my things.

Halos isang oras din ang lumipas bago ako natapos sa pag-aayos ng mga damit at gamit ko. Akmang hihiga na sana ako upang umidlip saglit pero biglang may kumatok sa pinto. Si Mika at Rhea siguro. "Tapos na akong mag-ayos ng mga gamit ko, Mika at Rhe..." Hindi ko na natapos ang dapat kong sasabihin nang si Mr. Alejo ang iluwa ng pinto.

"Hala! P-pasensya na ho. B-bakit po?" I startled.

"I came here just to let you know that you're not allowed to enter my room. Also, know your boundaries. We're just married in papers so don't assume, ask, and even expect too much." Seryosong sabi nito tsaka ako iniwang nakatulala sa kawalan.