Chapter 4

Nang makarating sa corner kung saan walang tao ay buong pwersang hinila ni Honey ang kamay ni Zion at marahas na isinandal nito ang lalaki sa pader. Dahil sa pagkabigla at hindi inaasahang pangyayari ay mabilis na natangay si Zion.

“What the heck did we just do? I slept with a student and…my sister’s bestfriend?” Singhal ni Honey kay Zion.

Sobrang lapit nila na naaamoy na nila ang scent ng isa’t isa, pumikit si Zion para langhapin ang mabangong amoy ni Honey.

“Open your eyes, Zion. I’m talking to you. Don’t you dare think of other things while I’m infront of you.”

Dumilat si Zion na may malapad na ngiti sa mga labi.

“Hindi ko alam na may pagka-possessive ka pala, ate.”

Tumaas baba ang balikat ni Honey, nagpipigil na huwag sumabog sa galit.

“Magtino ka nga. Hindi ako nakikipag-biruan.”

“Fine, fine. Calm down, ate. Ano bang problema kung college student palang ako?”

Umawang ang bibig ni Honey, hindi makapaniwalang tila walang ideya ang lalaki sa maaring consequences kapag nalaman ng kahit na sino ang mga naganap sa kanila. O baka sadyang wala lang itong pakialam?

“Malaki. Malaking problema kaya huwag na huwag mong mababanggit ang namagitan sa atin kahit na kanino, lalong lalo na sa ate mo.”

“Ano ba ang ginawa nating masama na pwedeng maging problema, ate? Tinulungan lang kitang makaraos that time. Ni hindi ka nga nag-thank you, parang nagamit tuloy ako that time.” Ngumisi ng nakakaloko si Zion.

“Shut up! I gave you money to shut you up, didn’t I? Kaya ipagpatuloy mo lang ang pagtikom ng bibig mo, kung maaari ay huwag kana ring magsalita ng tungkol sa koneksyon natin.”

Hindi na nakapagpigil si Zion at natawa ng mahina. He turned around, his feet reached the ground, and pinned Honey against the wall. Nagpalit lang sila ng posisyon pero mas malapit, at si Zion na ang nasa ibabaw.

“Masyado ka naman yatang kinakabahan, ate. Wala pa nga akong ginagawa. Hindi mo ba na-miss ang presensya ko?”

Napalunok si Honey nang maramdaman ang mainit na hininga ni Zion malapit sa leeg niya.

“Don’t you dare, Zion.” Banta ni Honey sa lalaki.

Nasa gano’n silang posisyon nang biglang may pumasok sa loob para mag-cr, nasa labas sila ng comfort room for boys and girls kaya madadaanan sila. Nanghuhugas ang tingin ng mga ito sa kanila at nagmamadaling pumasok sa girl’s comfort room.

“Get a room!” Sigaw pa ng isa.

Gusto na lamang lamunin ng lupa si Honey ng mga oras na yun, pero tila hindi pa natatapos ang kalbaryo niya.

“Anong nangyayari dito?”

Pareho silang natigilan ni Zion at awtomatikong naghiwalay nang dumating si Vera. Nakatulala itong nagpapalipat lipat ang tingin sa kanila.

“Zion, is just helping me out…yeah, nasira kasi strap ng dress ko, so he helped me fix it.”

Naghihinala ang tingin ni Vera sa kapatid nito saka chineck ang strap ng damit ni Honey.

“Wala namang sira, ah.”

“Zion fixed it really well,” pangangatwiran pa ni Honey.

“Okay. Nakapag-cr na ba kayong dalawa? Ang tagal niyo kaya sumunod na ako.”

“Oo. Sorry, nagpatagal ‘tong pagkasira ng dress ko. Balik na tayo sa table natin.”

Hinila na ni Honey pabalik ng table nila si Vera. Lihim niyang sinilip sa likuran si Zion na kumindat pa kaya pinanlakihan niya ito ng mata.

…

Tahimik na kumakain ang tatlo nang may maalala si Zion.

“Oo nga pala, ate. Natatandaan mo yung kinu-kwento ko dati na nakakainis kong professor?” Basag ni Zion sa katahimikan.

“Hindi ko na matandaan ang pangalan, but I still remembered your story. Anong meron? Pinag-initan kana naman?”

Umiling si Zion. “She already resigned!”

“Talaga? Mabuti naman, nakakaubos siya ng buhok.”

“Sinabi mo pa ate, sana lang matino at bata pa ang pumalit sa kanya.”

“Hoy! Magtino ka nga, baak mamaya niyan pagpantasyahan mo pa ang professor mo.” Sita ni Vera kay Zion.

“Saan ka nga nag-aaral, Zion?” Singit ni Honey sa usapan ng magkapatid, nang marinig niya ang sinabi ni Zion ay bigla siyang nakaramdam ng kaba na sana ay mali lang siya ng hinala.

“Montesorri University.”

Nabitiwan ni Honey ang hawak na mga kubyertos nang marinig ang sagot ni Zion.

Napasinghap si Vera.

“Oh my gosh! Nawala sa isip ko kanina, doon ka nga pala lilipat na university.”

“What? Professor siya at sa school ko pa?” Bulalas ni Zion, hindi nito nagustuhan ang nalaman. Ayaw niya ng awkward na sitwasyon kung saan araw araw niyang makikita ang babaeng nakatabi niya sa kama at magiging professor pa niya.

“Hindi mo pa nga pala alam, ano? Magaling na professor itong si Honey, kaya nga natanggap ito agad sa school niyo.”

“No way,” hindi pa rin makapaniwalang wika ni Zion.

“Mag-umpisa kanang manalangin na sana ay hindi tayo magtagpo sa klase ko, Zion. I don’t play favorites. Lalo na kapatid ka ng bestfriend ko, I’ll be testing your full potential.” Pang-iinis ni Honey kay Zion.

Napalunok naman si Zion, kinakabahan na baka magkatotoo ang mga sinabi ni Honey.

“That’s a great idea. Please do that kapag naging estudyante mo ‘tong kapatid ko, patinuin at palambutin mo ang ulo.” Suhestiyon pa ni Vera.

“Sobrang mahal mo talaga ako,ate, ‘no?” Sarkastikong baling ni Zion kay Vera.

Ginulo naman ni Vera ang buhok ni Zion.

“Of course! Mamaya maka-buntis ka ng maaga, mas mabuti nang may bantay ka. Mapupusok pa naman ang mga kabataan ngayon.”

Natigilan si Honey sa sinabi ni Vera. Naalala niya ang pregnancy kit na itinago niya sa kanyang drawer, umorder siya online nun out of fear na baka may mabuo sa namagitan sa kanila ni Zion. Hindi pa niya alam na kapatid pala ito ng bestfriend niya at may posibilidad na maging estudyante niya. Mas lalo tuloy nadagdagan ang alalahanin niya, paano kung may mabuo talaga at nabuntis siya ni Zion? Paano niyang sasabihin sa bestfriend niya at ipapaliwanag sa school na pinagtuturuan niya?