Chapter 7

Kasalukuyang naglalaban si Zion at ang mga kaibigan niya sa natitirang slice ng steak, nakahanda na ang lahat sa pakikipagdigma para sa isang piraso ng steak nang umugong ang bulungan. Pare-pareho silang napalingon sa paligid at natuon ang atensyon sa pinagkakaguluhan ng ibang estudyante.

“Wow! Ang ganda…” Namamanghang anas ni Earl, sinundan ng tingin ni Zion ang tinitingnan ng kaibigan.

Nanindig ang balahibo niya sa nakita. Kahit malamig naman ang paligid dahil sa aircon ay bigla siyang pinagpawisan ng malagkit.

“Is that our senior? Sa tingin mo niyo may chance ako kung kukunin ko ang number niya?” Sabay sabay na napatingin ang magka-kaibigan kay Gabriel na kasalukuyang inaayos pa ang buhok nito.

“Sa ganda niyan? For sure may boyfriend ‘yan,” wika ni Liam.

“Malay mo naman wala? Maraming magagandang babae ngayon na pihikan sa lalaki, lalo na yung mga mature na babae.” Patuloy na pangungumbinsi ni Gabriel sa kanila.

“Ikaw na rin ang nagsabi, pihikan ang ganyang mga babae. Sa tingin mo papansinin tayo niyan? Saka ang mga ganyang babae, hindi pumapatol sa mas bata sa kanila. Gusto nila yung mga may experience na, para pagdating sa kama mapapa-ungol sila ng malakas.” Imwinestra pa ni Liam ang tinutukoy, animong may hawak itong dalawang pandesal na nilalamukos. Mabilis na tinabig ni Earl ang kamay ni Liam.

“Sira ka, Liam. Gusto mong mahuli tayo? Mamaya sabihin pinag-iisipan natin siya ng mahalay.” Sita ni Earl kay Liam, nagtawanan naman ang mga ito.

Sa kabila ng biruan ng mga kaibigan ni Zion, parang dagok naman sa kanya ang mga lumalabas sa bibig ng mga ito. Ni tingnan ulit si Honey ay hindi niya magawa, naalala niya ang mga nangyari sa kanila sa hotel. 

“Teka nga, bakit tahimik ka, Zion? Hindi mo ba trip ang mga mature na babae? Mas magagaling sila sa kama, marami silang maituturo sa ‘yo.” Baling ni Gabriel kay Zion.

Napalunok naman ng sariling laway si Zion. Kung alam lang ng mga itong siya ang nakauna sa babaeng pinagpapantasyahan nila, baka kanina pa siyang ibinitiwin patiwarik ng mga kaibigan para ikwento niya ang mga nangyari.

“Hindi. Mas gusto ko yung mga ka-edad lang natin, ayoko ng mas maraming alam sa akin. Gusto ko ako yung magli-lead,” wala sa loob na tugon ni Zion.

Nagkatinginan ang mga kaibigan niya.

“Ang boring naman ng taste mo, sa atin pa namang apat mas may chance ka sanang mapansin ng babaeng yun.” Kumento ni Earl, tumingin dito si Zion.

“Bakit?”

“Well, gwapo ka at mas mukha kang mature kaysa sa edad natin. Mas tipo ng mga babae ang hot at mature-looking man.” Paliwanag ni Earl sa statement nito.

Mas lalo namang hindi mapakali si Zion, palihim niyang hinanap ng mata si Honey. Nanlaki ang mata niya nang magtama ang tingin nila, mabilis siyang nag-iwas at napaayos ng upo.

“Ayos ka lang ba, Zion? Natatae ka ba sa dami ng kinain mo?” Untag ni Liam na katabi niya, kaya mas pansin nito ang mga kinikilos niya.

“Ha? Oo yata, tama, natatae lang ako.”

Nawe-weirduhang nakatingin lang kay Zion ang mga kaibigan niya.

“Ano pang ginagawa mo? Bakit hindi ka pa tumakbo sa CR? Huwag mong sabihing…” Humina ang boses ni Gabriel. “Nakatae kana sa pants mo?”

Binatukan ng malakas ni Zion si Gabriel at masama ang tinging ipinukol dito.

“Siraulo. Itutulad mo pa ako sa ‘yo,” asik ni Zion.

Natawa naman si Earl at Liam, habang napahilot ng ulo si Gabriel. Si Gabriel kasi ang glutton sa kanilang magkakaibigan, hobby nito ang kumain kaya maya’t mayang tinatawag ng kalikasan. Ngunit hindi pa naman nangyari dito ang natae ito sa short o pantalon.

“Hoy! Madalas akong matae, pero never pa akong nilabasan sa pants.” Depensa ni Gabriel na medyo napalakas, kaya nakakuha iyon ng maraming atensyon.

“T@ngina, Gabriel. Bakit kailangan mong ilakas ang boses mo?” Nahihiyang bulalas ni Liam, pare-pareho tuloy silang nakayuko at itinatago ang mga mukha nila. Lalo’t naging sentro sila ng bulung-bulungan. Mas lalo namang kinabahan si Zion, ramdam niya ang matatalim na tinging hindi na naalis sa kanya simula nang magtama ang mata nila ni Honey.

“Malay ko bang sobrang lakas lalabas, nainis kasi ako sa sinabi nitong si Zion. Sabihan ba naman akong natae sa pants.” Reklamo ni Gabriel.

“Hindi nga sana problema kung tae ang sinabi mo, kaso yung lumabas na salita sa bibig mo, may double meaning, dude.” Ani Earl, para tuloy silanng mga baliw na nagbubulungan.

“Alam niyo, tapos na akong kumain, mauuna na ako.” Paalam ni Zion, hindi na kaya ang hiya at pressure na nakukuha.

“Sama ako,” mabilis na tumayo si Liam at sumunod kay Zion. Gano’n din naman ang dalawa pang kaibigan nila, ang steak na pinag-aagawan nila kanina ay naiwan sa plato at hindi na muling napansin.

Saka palang nakahinga ng maluwag si Zion nang makalabas sila sa cafeteria at makarating sa classroom nila. Iisa ang course nila ng mga kaibigan niya kaya magkakasama pa rin sila.

“Huy, guys. Tingnan niyo may magandang babae sa gilid, kanina pa tingin nang tingin dito.” Untag ni Earl sa kanila, wala na itong bukambibig kundi babae.

Tiningnan nila ang tinuturo ni Earl, maganda nga at mukhang ka-edad lang nila.

“Mukhang crush ang isa sa atin,” segunda pa ni Gabriel sa sinabi ni Earl.

“Katatakas lang natin sa isang kahihiyan, babae na naman ang pinag-uusapan niyo.” Walang interest na wika ni Zion, maganda nga ang babae pero mas nakatuon sa iba ang atensyon ni Zion. Hindi sa babaeng ka-edad nila, kundi sa babaeng iniwan nila sa canteen. Hindi pa rin mawala wala sa isip niya ang imahe ni Honey noong pinapaligaya niya ito, ang sarap sa paningin na parang gusto niya ulit maulit.

“Kukunin ko ang number,” suhestiyon ni Liam.

Napalingon na rin si Zion sa pinagkakaguluhan ng mga kaibigan niya. First time kasing magpakita ng interest ni Liam sa babae.

“Hi, miss. I’m Liam, can I get your number?”

Nasamid sa sariling laway sina Zion, Earl, at Gabriel sa sobrang straightforward ni Liam.

“Sabi ko sa inyo, kahihiyan na naman ito.” Naiiling na saad ni Zion, sabay sabay nilang tinalikuran si Liam at nagpanggap na hindi kilala ang lalaki.

“Sorry? Hindi ko pinapamigay sa isang estranghero ang personal details ko.”

Parang echo sa mga tenga nila ang sinagot ng babae kay Liam, hindi nila alam kung tatawanan o iiyakan ang unang rejection na natanggap ni Liam ngayong taon.