Kabanata 18.1

“Muntik na tayo dun ah, Alpha lang pala katapat nila.” Ani ni James habang pinapagpag ang kaniyang damit.

“Anong lugar ba ito Kuya?” tanong ni Ivan ng makalapit siya kay Clayton na nakamasid lang sa paligid habang kunot na kunot ang kaniyang noo.

“Sa tingin ko ay pugad ng mga aswang, hindi ako masyadong pamilyar sa mga uri nila pero lahat ng nilalang kinakain nila.” Paliwanag niya, kinilabutan naman ang dalawa kaya mabilis nilang nilisan ang lugar na iyun kahit na malalim na ang gabi.

Nagpatuloy sila sa kanilang paglalakbay kahit na ramdam na nila ang pagod sa kanilang katawan subalit mas pinili nilang magpatuloy. Ano mang oras ay sisikat na rin ang araw.

Sa kanilang paglalakbay ay bigla na lamang huminto sa paglalakad si Clayton.

“May problema ba Kuya?” takang tanong ni Ivan ng biglang tumigil ang kapatid. Sinenyasan niya naman na tumahimik na muna, sinundan naman ng tingin ni Ivan ang tinitingnan ng kaniyang Kuya.<