C-4

Misty's POV

"wow!ang ganda naman.Ang daming bulaklak."namamangha kung bulong.Pakiramdam ko,hindi ako maho-homesick nito,dahil may pagkakaabalahan ako.Napangiti ako,kasabay ng pagsiklop ng dalawa kong kamay.

Narinig ko ang mahinang pagtawa ng ginang na kasama ko.Nahihiya akong tumingin sa kanya,baka iisipin niyang masyado akong ignorante,-at ngayon lang ako nakakita ng magagandang bulaklak.

"ikaw talaga iha.Pumasok na nga tayo sa loob ng bahay,upang makita mo ang magiging silid mo."natatawang sabi niya sa akin.

Nauna na siyang naglakad, pumasok sa isang pinto.

Sumunod naman agad ako, pero nandun pa rin sa mukha ko ang pagkamangha.

Akala ko sa front door kami pumasok,pero hindi.Sa backdoor pala.Infairness,maganda rin ang loob ng bahay kahit papuntang maids room pa lang,paano na lang kaya kung sa mismong loob ng bahay na.

"gaano kaya kayaman ng may-ari nitong bahay?"sa isip-isip ko.

"iha!ito ang magiging silid mo."sabi sa akin ng ginang matapos niyang mabuksan ang pinto.

Pumasok ako sa loob, at napansin kung parang bahay lang,-kumpleto na sa gamit-may sofa,may malaking flat screen tv at may kama.May cabinet din na lagayan ng mga damit ko.At sa dulo,may isang pintong nakasara,na alam kung banyo iyon.

"ibaba mo muna ang bag mo iha,dahil aakyat pa tayo sa taas.Baka kasi mayamaya,nandito na ang sundo ko."sabi sa akin ng ginang.

"akala ko pa naman po,makakasama kita rito.

Ngumiti ang ginang.

"hindi ineng,mayordoma ako sa mansion ni madam Imelda.Kaya lang ako nandito ay dahil inutos sa akin ni madam na hintayin kita, at ituro sayo ang maging silid mo."paliwanag niya.

"ganu'n po ba."medyo matamlay kong sabi.

"oo iha.Hindi bale,may day off ka naman kada lingo.Pwede mo kaming puntahan roon sa mansion."nakangiti niyang sabi sa akin.

May ngiti sa labi kung tumango.Talagang gagawin ko iyon kapag day off ko.

Habang paakyat kami sa mataas at makintab na hagdan,may bigla akong gustong itanong sa ginang.Gusto kung itanong kong sino ang maging amo ko.

"may itatanong lang po ako."

"sige ineng,ano yun?"

"diba sabi niyo po,sa kabilang bahay si madam Imelda,eh sino po ang maging amo ko rito?Hindi kasi nakalagay sa kontrata ko kung sino ang amo ko rito."sabi ko.

"ang anak na panganay ni madam Imelda ang pagsisilbihan mo,ineng.Mabait ang batang iyon,-nasa ibang bansa pa siya,pero bukas na ang uwi niya."agad naman na sagot ng ginang.

Tumango ako at hindi na muling nagtanong.

Matapos maituro sa'kin ng ginang ang silid nang amo ko,at maging sa paglilinis dito.Tinuro rin niya sa akin ang mga dapat kung ihanda sa araw-araw na pangangailangan at pagkain nito.

Sa tingin ko, masyadong maselan pagdating sa gamit at pagkain ang amo kung lalaki.Sabagay,mayaman nga naman.Ganyan naman ang ibang mayayaman,masyadong maarte pagdating sa gamit at pagkain,pero may mga iba namang mayayaman ay simple lang-tulad nila Ariana at sir phyton.At sa mga naunang amo ko.

Dahil wala pa naman akong gagawin,umupo ako sa sofa.Kinuha ko ang cellphon ko sa suot kung pantalon, at tinawagan ang pamilya ko.Alam kung kanina pa nila hinihintay ang tawag ko.

Agad naman silang sumagot.

"anak, nakarating kana ba sa bahay ng amo mo?"bungad na tanong agad ni tatay.

"opo tay,kanina pa ho."agad kung sagot.

"maganda kung ganun anak.Basta palagi kang mag-iingat dyan."paalala sa'kin ni itay.

"huwag niyo po akong alalahanin,itay.Kayo po dapat ang palaging mag-ingat."sabi ko.

"ate malaki ba ang bahay nang amo mo?"tanong ng pasaway kung kapatid na si Mikay.Kinuha pala niya ang cellphon sa ama namin para lang makausap ako.

"hindi lang malaki,maganda at malapalasyo."mabilis kung sagot.

"talaga ate,parang gusto ko rin makita ng personal.Kelan din kaya?"

"hoy Mikay,ang pag-aaral mo ang isipin mo-hindi kung ano-ano."palatak ko sa kanya.

"ate naman eh."katwiran niya.Kahit hindi ko nakikita ang hitsura ngayon ng kapatid ko, alam kung nakasimangot ito.

"sige na kapatid.Ibaba ko na ang tawag.Mag-aral kayong mabuti,tatawag ulit ako sa inyo bukas."

"sige ate, mag-iingat ka palagi d'yan.Mahal na mahal ka namin."

"mahal ko din kayo.Sige na,baka magdramahan na naman tayo nito."sabi ko,saka pinatay na ang tawag.

Matapos kung ibaba ang tawag,humugot ako ng malalim na paghinga.Ilang minuto muna akong magmuni-muni,saka napagdesisyunan kong maligo.

Kailangan kung matulog ng maaga,baka maaga din ang dating ng amo ko bukas.Hindi niya ako pwedeng maabutan na natutulog pa lang, mahirap na baka palayasin niya ako ng wala sa oras.Sayang naman ang kikitain ko,malaki pa naman ang sahod kada buwan.Malaking tulong din iyon para sa pag-aaral ng dalawa kung kapatid.

Kaya pagkatapos kung mapatuyo ang buhok ko.Agad akong humiga, paglapat pa lang ng likod ko sa malambot na kama,agad akong tinangay ng kadiliman.

Sunod-sunod na katok mula sa labas ng pinto ang gumising sa akin.Wala sana akong balak na tingnan kung sino ang kumakatok.Ngunit naalala ko, katulong nga pala ako sa bahay na ito at hindi ito ang bahay namin.

Kasalanan kasi ito ng mabango na unan at malambot na kama eh.Pinasarap niya ang tulog ko. Kaya,pupungas-pungas akong bumangon upang buksan ang pinto.Pero pagbukas ko,wala naman tao.

Tinampal ko ng isang beses ang pisngi ko,baka kasi natutulog pa rin ang diwa ko.Kaya lang nakaramdam ako ng sakit.Gising na gising na nga ako.

Pero bakit wala naman tao,alam kung may kumakatok kanina.Dinig na dinig iyon ng dalawa kung tainga.

Alangan naman na guni-guni ko lamang iyon,- o baka panaginip ko.

Tiningnan ko ng maigi sa labas,pero wala talaga akong makitang tao.Hindi kaya....may multo sa bahay na ito?

Nahintakutan ako sa isiping iyon, ngunit agad akong umiling.

"nagpapaniwala ka naman sa multo, Misty.Kwentong barbero lang yun."sabi ko sa sarili ko.

Isinara ko ang pinto, ngunit paglingon ko sa kama,para akong hinihila nito.Pero imbis na lumapit doon,kinuha ko ang tuwalya at pumasok sa loob ng banyo.Maliligo na lang ako,kesa matulog ulit.