Kabanata 13

SINAWAY NIYA si Tadeo na huwag sumama ngunit tunay itong makulit, nagpumilit pa rin ito at hindi nagpatinag sa masama niyang tingin. Hinila niya ang kabayo nang makarating sila sa kwadra. Sinamaan niya ng tingin ang katabing kabayo na siyang nagpahamak sa kanya noong nakaraan. Naiuwi ito ni Tadeo na sana hindi na, hindi siya manghihinayang na pabayaan ang suwail na kabayo. Inirapan niya ito bago nagpatuloy sa paghila sa hawak niya.

Nasa labas na si Pulahan, kausap ang binata. May kanya kanya na itong kabayo. Nang mapatingin sa kanya si Tadeo, bumaling ito kay Pulahan sandaling kinausap ang kanyang kaibigan bago naglakad papalapit sa kanya.

"Gagamit ho kayo ng kabayo?" Sa tono ng boses nito halatang hindi maganda para dito ang gan'ong ideya.

"Anong gusto mo maglakad ako papunta sa sapa?" sarkastikong tanong niya.

Tumingin ito sa kabayo, hinimas ang ulo niyon. "Sasakay daw sa'yo si Boss, wag mong sasaktan ha?" Napangiwi siya habang pinagmam