CHAPTER 26

"WHAT the fuck are you thinking? Akala mo ba ay hindi ko malalaman?! You fucking flirting with your ex right in the front of my damn house in the middle of broad daylight. Anong katangahan 'to ha Taphney?!"

Nanatiling hindi umiimik si Taphney habang hila-hila siya ni Ashton paakyat sa ikalawang palapag ng mansyon. Lahat ng tauhan ng binata ay hindi rin gumagawa ng anumang ingay o nagsasalita kahit na harap-harapan na nilang nakikita kung paanong marahas siyang hilahin ng huli.

Napalingon siya sa kanyang braso na mahigpit pa ring hinahawakan ni Ashton habang patuloy siyang kinakaladkad. Napansin niya ang pamumula noon. Ngunit alam niya sa sarili niyang hindi ang pisikal na sakit ang nagdudulot ng kakaibang pagkadurog ng puso niya. Kayang-kaya niyang gamutin at pagalingin ang anumang sugat o pasa na maaari niyang tamuhin kung sakaling pagbuhatan man siya ng kamay ni Ashton ngunit hindi ang mga salitang nanggagaling rito. Iyong mga salitang tumatagos ang sakit at kirot sa dibdib niya.