Kabanata 87

Habang sakay sila ni Faye ng bus papuntang Mindoro, hindi niya maiwasang mag-isip sa magiging reaksyon ng kanyang pamilya tungkol sa kanyang pagdadalang-tao. May pagka konserbatibo pa naman ang kanyang ina dahil lumaki din sa conservative na pamilya. Baka hindi matanggap ng mga magulang niya na magiging dalagang ina siya. Baka mawala ang respeto ng kanyang mga kapatid sa kanya. Samut-saring mga bagay ang kanyang naiisip. Wala naman siyang pakialam sa kung ano man ang sabihin ng ibang tao. Ang mas inaalala niya kung matatanggap ba siya ng kanyang pamilya. Dahil dito, hindi siya mapakali. Balisang-balisa siya kaya hindi siya makatulog. Nilingon niya sa tabi si Faye, pero natutulog pala ito kaya wala siyang makakausap. Kinuha na lamang niya ang kanyang cellphone at nagtingin-tingin sa mga pictures sa kanyang gallery. Hanggang sa nakita niya ang pictures na kinuha niya noon sa tagged post ni Lester. Nanggaling 'yon sa photographer na kumuha ng larawan sa kanila noong time na ginawa ang pe