Chapter Four: Bullet Parade (Part Three)

Nagsimula akong humakbang patungo sa kaniya. Walang nagsasalita sa amin, pero sapat nang malaman sa kaniyang mga mata ang gulat no'ng pinigilan ko siya sa ginagawa niyang paghila.

Nag-aalinlangan niyang binitawan ang cabinet kaya lumayo na muli ako sa pwesto niya. "Dad's wrong. We shouldn't hide, Vino," huminto ako sa pagsasalita nang makarating ako sa tapat ng pinto, "we'll die in here if we stay."

Umapila lamang siya nang tuluyan ko ng pinihit ang door knob. Mas lalong luminaw ang tunog ng kanilang mga iyak at putok ng mga baril sa baba.

'Nahihibang ka na ba talaga? Paano tayo tatakas?' ayon ang mga huli niyang tanong bago ko nilsan ang pinagtataguan naming opisina. Lakad-takbo ang nangyari sa akin habang papunta sa fire exit ng gusaling ito.