KPL 8.2

(Continuation of chapter 8)

Diretso ang tingin ni Trixie at Derrick sa isa't-isa. Nakatayo sila sa magkabilang court at sa pagitan naman nila ay ang net. Pareho silang may hawak na raketa at nakasuot ng sports wear. 

"Hindi pa 'ko natatalo sa buong buhay ko, Sandoval," wika ni Derrick.

Tumaas ang isang sulok ng labi ni Trixie.

"Siguro ito ang unang beses."

Kumapit si Derrick sa net at matalim na tiningnan ang babae. Hindi siya makakapayag na matatalo siya ng isang babae at dahil lamang sa isang walang kwentang laro.

"Ehem. Magtititigan na lang po ba kayo d'yan?"

Sabay silang napatingin kay Marga na nasa dulo ng net. Sa tabi niya ay isang maliit na blackboard. Siya ang magsisilbing scorer sa laro. 

Hindi na nila iyon pinansin at naglakad na papunta sa kanilang mga pwesto. Kinuha ni Marga ang shuttlecock at