CHAPTER 1

*************************

YASMIN THERESE LEDESMA POV: FLASHBACK 3 YEARS AGO: ARAW NG DEBUT NYA

"Happy birthday, bunso..." malambing na bati ng kinakapatid nyang si Hunter habang marahan siyang sinasayaw. Lihim siyang kinilig. Ito ang escort niya sa gabing iyon. Ayaw sana niya ng magarbong party, mas gusto pa niyang matulog o magbasa ng libro pero nagpumilit ang mga magulang niya. Sinabing minsan lang daw iyon sa babae na maging isang ganap na na-dalaga. Nang marinig niyang si Hunter ang magiging escort niya ay napapayag na rin siya.

Sa mansion ginanap ang party nya. Malawak naman doon at halos kasya ang tatlong daang kataong bisita.

"T-thank you, Kuya Hunter..." nahihiyang sagot niya habang yumuyuko. Mataimtim kasi siyang pinagmamasdan nito habang sumasayaw sila sa mabagal na tugtog.

"You're so beautiful, Yass... dalagang-dalaga ka na." puri nito sa kanya. Para siyang matutunaw sa mga titig nito.

"Hmp! Paanong dalaga? Baka binata kamo?" biro niya para pagtakpan ang hiya niya. Alam nitong boyish siya at hindi sanay sa mga ganoong damit at ayos. Pinagbigyan niya lang ang mga magulang dahil siya lang naman ang nag-iisang anak na babae.

"Hahaha... But kidding aside, you're really beautiful!... Pwede ka na bang ligawan?"

Natigilan siya sa narinig at agad itong tinulak sa pagkagulat. Pero hindi siya nito hinayaan, sa halip ay lalo pa siya nitong niyakap, mas mahigpit kaysa kanina. Nangudngud ang ilong nya sa dibdib nito at naamoy niya ang mamahaling pabango. Hindi iyon masakit sa ilong, in fact, napakabango nito na gusto niyang langhapin iyon ng paulit-ulit. Halos maubos ang bango nito sa bawat paghinga niya.

Nagkaroon din siya ng pagkakataon na pagmasdan ang gwapong mukha Hunter. Maputi ito dahil may lahi itong Kastila, katamtaman lang ang kapal ng kilay, mapupungay ang mga mata na may mahahabang pilik-mata. Meron din itong matangos na ilong na bumagay sa pagka-mestizo nito. Ang mga labi nito ay katamtaman lang ang nipis... mamula-mula na parang ang sarap halikan.

Napa-igtad siya nang mapansin ni Hunter na tinititigan nya ito. Binaling niya sa ibang direksyon ang tingin. Agad naman siyang nahiya nang nakatingin pala sa kanila ang lahat ng mga bisita habang nagsasayaw sila.

Damn! Napansin kaya sya ng mga tao na pinagpapantasyahan niya ang kinakapatid niya?

"Hey, natahimik ka na diyan? Pinag-iisipan mo na ba kung papayagan mo akong ligawan ka?"

"W-what are you talking about, Kuya? Isusumbong kita kay Papa!" kunyaring galit niya.

"Sige, magpapaalam na lang ako kay ninong na liligawan kita. Malamang ay matutuwa pa 'yun!"

"Stop it, Kuya! Nakakadiri ka na! Hindi kita type, noh! Babae din ang type ko!" pagsisinungaling niya para tigilan na siya nito.

"Talaga lang, ha..." patawa-tawang wika nito.

Napahinga cya ng maluwag ng natapos na ang tugtog kaya puwede na silang umupo. Bumitaw cya sa pagkakahawak kay Hunter pero hindi cya nito binitawan kung kaya ay naka holding hands sila hanggang papunta sa upuan nila. Nagpalakpakan pa ang lahat ng mga bisita nang matapos ang sayaw nila. 

Ang lakas ng kabog ng dibdib niya. Crush niya si Hunter noon pa. Bunsong kapatid lang naman ang turing nito sa kanya, pero bakit ngayong 18 na siya ay iba na ang pinapakita nito? Pinagti-tripan ba siya nito?

Nanatili sila roon nakaupo habang hindi pa tapos ang programa. Mabuti naman at tumahimik na ito at hindi na siya kinukulit. Binigyan siya nito ng beer na tinanggap naman niya. Flavored beer lang naman iyon, pero first time niyang makatikim ng gano'n dahil hindi siya pinapayagan ng mga magulang niya.

Birthday niya naman kaya hindi naman siguro sya mapapagalitan ng Papa niya. Nag-cheers pa sila ni Hunter bago nya tinungga ang beer.

"Masarap pala 'to?" nakangiting tanong niya sa kinakapatid.

"Hinay-hinay lang at baka malasing ka." paalala nito sa kanya.

"Lasing? Eh juice lang naman 'to!" wika niya saka muling tumungga. Inilang lagok nya lang iyon na parang uhaw na uhaw.  Nakangiti na napapa-iling na lang si Hunter sa kanya.

Nakadalawang bote na cya, nakapadaldal na nya. Hindi nya alam kung lasing na sya o masaya lang talaga sya sa party nya. Nang matapos na ang programa ay lumapit ang mga magulang niya sa kanila. 

"Happy birthday, my princess!" bati ng Papa niya saka siya hinalikan sa pisngi.

"You're so gorgeous in that gown, iha! I told you bagay sayo ang maging babae!" Kinikilig na wika ng mommy nya.  

"Mom!" saway nya dito. Nahihiya sya dahil nakikinig si Hunter sa kanila. 

"Dont you "Mom" me! Now that your 18 sana naman ay magpaka-babae ka na, hindi na ako papayag na totomboy-tomboy ka! Intiendes?!"

"Mom, pinagbigyan na kita sa kalokohan mong debut na ito. Pati ba naman ang pagiging tomboy ko ay pakikialaman mo pa?" 

"Wag mo akong sagot-sagutin Yasmin Therese! Hindi ka mananalo sa akin! Kapag sinabi ko, yun ang susundin mo!"

Napasimangot nalang sya sa sinabi ng ina. Palihim namang pinisil ni Hunter na kamay nya. Lagi nitong ginagawa iyon kapag napapagalitan sya. Parang pinaparating nito sa kanya ang simpatya kaya hindi na cya sumagot pa sa ina. 

"Hunter, ikaw na ang bahala sa prinsesa ko, ha. Kami ay aakyat na sa kuwarto para makapagpahinga. Alam kong hindi pa kayo matatapos sa pagpa-party dito."

"Opo, Ninong. Ako na po ang bahala kay bunso." nakangiting wika ni Hunter sa mga ito saka umalis na rin agad.