A SPARK OF HOPE FOR GEMMA

HINDI INAASAHAN NI Theodore Rossell ang tawag na mula kay Owen Garcia.

“Bakit?” Tanong niya agad nang may pag-aalala.

Hindi niya maunawaan ang dahilan kung bakit nakadarama siya ng kakaibang kaba sa tuwing tinatawagan siya ng bodyguard ng kanyang asawa.

At pinagtatakhan din niya sa maraming pagkakataon kung bakit labis siyang nag-aalala sa kaligtasan nito.

“On leave ka ngayon, ‘di ba,” muli ay tanong niya sa kausap sa phone, “may problema ka ba?”

Ramdam niya ang kaba na nararamdaman ni Owen. Naririnig niya ang hingal nito sa phone.

“Narito po kasi si Roman Romano, Sir Theodore,” sinabi ng kanyang kausap sa telepono ang lugar na kinaroroonan ni Roman, “may hostage po siyang babae. May hawak po siyang baril na nakatutok sa ulo ng babae, Sir, at nagbabala na babarilin niya ang hostage niya kapag may lumapit sa kanila.”

Walang inaksayang sandali si Theodore matapos magpaalam sa kausap.

Agad niyang tinawagan ang lahat ng puwedeng makatulong upang magawan ng paraan na mapakawalan ni