LOVING YOU IN PAIN

“Pa, nagmamakaawa po ako! Tulungan po nin’yo ang mama ko,” pagsusumamo ni Cielo sa ama nito. May sakit ang kaniyang ina at kailangan ma-operahan sa lalong madaling panahon ang mga mata nito bago pa ito tuluyang mabulag.

Gustuhin man ng ama ni Cielo ay wala itong magawa dahil ang totoong mas makapangyarihan si Lucille kumpara sa kan'ya. Kahit na ang ina naman ni Cielo ang nauna ay hindi naman ikinasal ang mga ito noon kung kaya ‘t ang nabuong pamilya nila Lucille ang legal.

Tahimik lamang si Solenn sa tabi ng mommy niya at nababagot nitong tinigan si Cielo. Naiirita siya sa pagpapaawa nito.

“Anong akala mo rito sa asawa ko? Charity para sa katulad nin’yo? Ang kapal ng mukha mong pumunta rito sa pamamahay ko!” bulyaw ni Lucille. Pakiramdam ni Cielo ay sobrang rumi niya sa sobrang pangmamaliit ni Lucille ngunit kailangan niyang tatagan ang loob alang-alang sa inang nasa ospital.

“Lucille, tama na! Anak ko pa rin si Cielo kung kaya 't dahan-dahanin mo iyang pananalita mo sa anak ko!” Tila nabigla naman si Lucille at Solenn kay Rafael.

Saglit lamang natigilan si Lucille ngunit sumidlhi lalo ang galit nito sa ina ni Cielo dahil alam nito, ramdam ni Lucille na mahal pa rin nito ang ina ni Cielo.

“Wala akong pakialam! Nasa pamamahay ko siya kaya ako ang masusunod!” asik pa nito na nanliliit ang mga matang tumingin kay Cielo.

Yumuko naman si Cielo bilang paghingi ng paumanhin. Hindi puwedeng lalong magalit si Lucille sa kan'ya.

“Patawad po, Tita–”

“Call me, Madam! Don't call me Tita dahil hindi kita kapamilya,” sobrang nasasaktan si Rafael para sa anak. Kung maibabalik niya lamang noon ang nakaraan ay hindi sana niya pinakasalan si Lucille.

“Cielo, anak. Umuwi ka na. Sa susunod na lamang tayo mag-usap.”

“Pero bukas na bukas po ay kailangang ma-operahan si Mama… Please, Madam Lucille. Gagawin ko po ang lahat basta po ‘t tulungan po nin’yo kami.” Lumuhod na si Cielo sa harap ni Lucille at ikinagulat iyon ni Solenn, maging si Rafael ay hindi akalain na gagawin iyon ni Cielo.

Pumaskil naman ang mala-impaktang ngiti sa labi ni Lucille. Pakiramdam niya ay isa siyang kagalang-galang. Tama nga ba ito nang narinig? Lahat ng gusto niya ay susunduin nito?

Balak na sana nitong sabihin na pumapayag na siya kapalit nang mawala na ito at ang mag-ina sa buhay ni Rafael subalit hindi na nito natuloy pa sana ang sasabihin nang natutuwang pumalakpak si Solenn na ikinatigil nito.

Silang tatlo ay lumipat ang tingin kay Solenn at naghintay sa sasabihin nito.

“Perfect! Mom, pumayag ka na,” aniya. Nabuhayan naman ng loob si Cielo sa sinabi ni Solenn. Nakahanda siya sa kahit ano.

“But, why?”

“Mom, maawa ka na sa kanila. And I have something to tell kasi,” maarteng sabi pa nito na nag-aalangan pang sabihin sa mommy niya ang totoo.

“Solenn. Ano na naman iyan? Don't tell me that you're giving me another trouble again!” may pagdududang angil ni Lucille sa anak.

“A-ah– Yeah! But, not really naman. Warren proposed to me last night but I said, I will think about it,” parang baliwalang sabi lang nito.

“What?! Are you out of your mind, Solenn?! Bakit? Matagal na rin naman ang 4 years. Nasa wastong edad ka na, ano pang pinag-iisapan mo? Warren is good for you! Matutuwa rin ang lolo mo sa iyo dahil makakatulong sa family business natin si Warren at ang angkan nila.”

Napanguso naman si Solenn dahil ang totoo ay mas importante pa sa mommy niya ang yaman, kung sa yaman ay mayaman naman na sila. Ano pa ba umano ang nais nito?

“But I'm not ready to settle down. May upcoming project ako sa Italy and 2 years contact lang naman iyon,” saad nito. Isa kasing Modelo si Solenn at itong upcoming project ang hinihintay niya talaga. Mas lalo siyang sisikat lalo na ‘t makakasama pa nito ang mga kilalang modelo. Gusto niyang maging proud ang lolo niya sa larangan na kung saan siya magaling. Hindi niya gusto ang panghawakan ang family business nila!

“Lucille, let her. Hayaan mo kung saan masaya ang anak natin. Puro na lang yaman ang nasa isip mo! Give our daughter's freedom to choose what's best for her.” Tila hinaplos naman ang puso ni Solenn. Mabuti pa ang daddy niya ay naiintindihan siya at handang suportahan sa kung ano man ang gusto niya.

“Kaya nga I have plan B and Cielo will do it for me. Right, my dear sister?” Kahit wala pang alam ay tumango-tango naman si Cielo.

“O-oo! Kahit ano pa iyan ay gagawin ko.”

“At ano naman ba iyon anak?” nagtatakang tanong ni Rafael.

“Marry my boyfriend, Cielo!”

“What?!

“Ano?!

Sabay na pagkabigla nina Lucille at Rafael. Tila hindi naman agad pumasok sa isip ni Cielo ang narinig. O baka mali siya nang dinig?

“You heard it! I won't say it again.”

Sa galit ni Lucille ay nahila nito ang buhok ni Solenn. “Nahihibang ka na ba? You're so stupid, mana ka talaga sa daddy mo! My God!”

“Mom! Masakit, aray…”

“Talagang masasaktan ka talaga! Ipapakasal mo si Cielo kay Warren? Sa tingin mo ba ay papayag iyon? Ha?!

“Yes, he will. His grandpa wants him to get married as soon as possible, then after 2 years puwede naman silang mag-divorce. Akin pa rin si Warren.”

“Bakit hindi na lang ikaw?”

“Ayaw ko nga! Bawal sa akin ang maging married. Kakausapin ko si Warren about this. I'm sure that he will agree, madali lang naman ang 2 years eh!”

“Tonta! Ano na lamang ang sasabihin ng parents ni Warren? Mahiya ka nga Solenn sa pinaggagawa mo!”

“Ako na ang bahala, Mom. Hindi pa naman ako nakikita ng lolo ni Warren. The important thing here is Warren will introduce Cielo to his grandpa.” Naiiling na lamang si Lucille sa kagagahan ng anak. Inaalala nito na baka sa huli ay pagsisihan nito ang lahat.

“But before that Cielo. I have my conditions,” seryosong sabi nito. Pinatayo nito si Cielo sa pagkakaluhod at pinaupo sa tabi niya.

“A-ano iyon?” kinakabahang tugon naman ni Cielo habang nakatitig rin sa mga mata ni Solenn.

“Don't you dare to fall in love with my boyfriend!”