Chapter Fifty Six 

ARAW ng kasal nina GB at Hannah kaya naman  ang mga taga-Nueva Ecija ay nagsasaya partikular na ang mga taga-Alua. Sa baryong iyon kasi naninirahan ang mga Lee, kaya naman doon na ginanap ang pag-iisang dibdib nila ni GB. 

Ang gusto sana ni Lolo Luciano ay gawing engrande ang kanilang kasal pero dahil sa buntis na siya ay minadali na lang nito ang kasal nila ni GB. Wala namang problema sa kanilang mag-asawa kung engrande o hindi ang kanilang kasal, ang mahalaga sa kanila ay habambuhay silang magsasama. 

Ngunit, kahit na dalawang linggo lang halos ang preparasyon ay siniguro ng mga Lee lalo na ni Lolo Luciano na mas excited pa sa kanila ni GB, hindi lang dahil sa masasaksihan nito ang kasal ni GB kundi dahil sa parating nitong apo. Kaya naman panay ang bilin nito sa kanya at kay GB na mag-ingat.